༢༠༡༢ ཟླ་ ༥ ཚེས་ ༢༣ རེས་གཟའ་ལྷག་པ།
༄༅། །འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་ (Warsaw Medical University, Poland and Lech Walesa Foundation) ཞེས་པའི་ཚོགས་པ་ནས་མགྲོན་འབོད་ཞུས་པ་ལྟར་ཕྱི་ལོ་ ༢༠༡༢ ཟླ་ ༥ ཚེས་ ༢༣ ཉིན་ ༣༠ བར་པོ་ལེན་ཌེར་གཞུང་འབྲེལ་ཕྱོགས་ཕེབས་གནང་གཏན་འཁེལ་འདུག
དེ་ཡང་བཀའ་བློན་མཆོག་ཕྱི་ཚེས་ ༢༣ ཉིན་གྱི་དགོང་དྲོ་རྡ་ས་ནས་པ་ཀོར་བརྒྱུད་ལྡི་ལིར་ཕེབས་འབྱོར་གནང་རྒྱུ་དང་། ཕྱི་ཚེས་ ༢༤ ཉིན་ལྡི་ལི་ནས་མཁའ་ལམ་བརྒྱུད་ཕྱི་ཚེས་ ༢༥ ཉིན་པོ་ལེན་ཌེའི་རྒྱལ་ས་ཝར་སོར་ཕེབས་འབྱོར་གནང་རྒྱུ་ཡིན་འདུག
ཕྱི་ཚེས་ ༢༦ ཉིན་ཝར་སོར་སྨན་པའི་མཐོ་སློབ་ཏུ་རྒྱལ་སྤྱིའི་ཆེད་དོན་བགྲོ་གླེང་ཁོངས་མཉམ་ཞུགས་དང་། ཕྱི་ཚེས་ ༢༧ ཉིན་པོ་ལེན་ཌེར་གནས་སྡོད་ས་གནས་བོད་རིགས་མང་ཚོགས་དང་ལྷན་ཚོགས་འདུ་འཚོགས་རྒྱུ་ཡིན་འདུག ཕྱི་ཚེས་ ༢༨ ནས་ ༣༠ བར་པོ་ལེན་ཌེའི་གཞུང་གི་གནད་ཡོད་མི་སྣ་ཁག་དང་། (Lech Walesa Tibet Friends) ཞེས་པའི་ཚོགས་པའི་མི་སྣ་དང་ཐུག་འཕྲད་གནང་རྒྱུ་ཡིན་འདུག ཕྱི་ཟླ་ ༦ ཚེས་ ༢ ཉིན་ཝར་སོར་ནས་ཕེབས་ཐོན་དང་ཕྱི་ཚེས་ ༣ ཉིན་གྱི་དགོང་དྲོ་ལྡི་ལི་ནས་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས།།