༢༠༡༢ ཟླ་་ ༥ ཚེས་ ༡༦ རེས་གཟའ་ལྷག་པ།
༄༅། །ཕྱི་ལོ་ ༢༠༡༢ ཟླ་ ༥ ཚེས་ ༡༨ ནས་ཚེས་ ༢༧ བར་བཀའ་བློན་ཁྲི་པ་བློ་བཟང་སེང་གེ་མཆོག་རྡ་སའི་ཉེ་འགྲམ་གྱི་བོད་མིའི་གཞིས་ཆགས་ཁག་གཅིག་དང་སློབ་གྲྭ་བཅས་ལ་འཚམས་གཟིགས་གནང་རྒྱུ་དང་། དེ་རྗེས་ཡུ་རོབ་ཀྱི་རྒྱལ་ཁབ་ཨོ་ས་ཀྲེ་རི་ཡར་ཡུ་རོབ་བོད་རིགས་སྤྱི་མཐུན་ཚོགས་པའི་གཞི་རྒྱ་ཆེ་བའི་ལས་འགུལ་ཞིག་སྤེལ་གྱི་ཡོད་པར་མཉམ་ཞུགས་གནང་རྒྱུ་ཡིན་འདུག
དེ་ཡང་ཕྱི་ཟླ་ ༥ ཚེས་ ༡༨ ཉིན་བཀའ་ཁྲི་མཆོག་རྡ་ས་ནས་ཕེབས་ཐོན་གྱིས་གོ་པལ་པུར་བོད་ཁྱིམ་སློབ་གྲྭ་དང་བཀྲིས་ལྗོངས་གཞིས་ཆགས། སྦིར་སུ་ཇ་བོད་ཁྱིམ་སློབ་གྲྭ་བཅས་ལ་འཚམས་གཟིགས་དང་། ཕྱི་ཚེས་ ༡༩ ཉིན་སྦིར་བོད་ཚོགས་དང་སྡེ་དགེ་ས་གནས་སུ་འཚམས་གཟིགས་གནང་རྒྱུ། ཕྱི་ཚེས་ ༢༠ ཉིན་ཅོན་ཏ་ར་དང་སྤོན་ཊོ་ས་གནས་སུ་འཚམས་གཟིགས་དང་། ཕྱི་ཚེས་ ༢༡ ཉིན་སུན་མཚོ་མན་གསུམ་གྱི་མི་མང་ཚང་འཛོམས་ཐོག་གསུང་བཤད་དང་བཞུགས་མོལ་ཚོགས་འདུ་གནང་རྒྱུ། ཕྱི་ཚེས་ ༢༢ ཉིན་མ་ན་ལི་ཁུལ་དུ་འཚམས་གཟིགས་དང་། ཕྱི་ཚེས་ ༢༣ ཉིན་ཀུ་ལུ་དང་བུན་དར་སློབ་གྲྭར་འཚམས་གཟིགས་གནང་རྒྱུ་ཡིན་འདུག ཕྱི་ཚེས་ ༢༤ ཉིན་བུན་དར་ནས་ལྡི་ལིར་མཁའ་ལམ་བརྒྱུད་ཕེབས་འབྱོར་དང་། དེ་ནས་ཨོ་ས་ཀྲེ་རི་ཡར་ཕེབས་ཐོན་གནང་རྒྱུ་ཡིན་འདུག ཕྱི་ཚེས་ ༢༥ ཉིན་ས་གནས་སུ་ལས་འཆར་གྲུབ་རྗེས་ཕྱི་ཚེས་ ༢༦ ཉིན་ཨོ་ས་ཀྲེ་རི་ཡ་ནས་མུ་ནིཀ་བརྒྱུད་ལྡི་ལིར་ཕེབས་འབྱོར་གནང་རྒྱུ་དང་། ཕྱི་ཚེས་ ༢༧ ཉིན་ལྡི་ལི་ནས་རྡ་སར་ཕེབས་འབྱོར་གནང་རྒྱུ་ཡིན་འདུག་བ་བཅས།།
བཀའ་ཁྲི་མཆོག་གཞུང་འབྲེལ་ཕྱོགས་ཕེབས།
གསར་གནས།
འབྲེལ་གནས།
