ཕྱི་ལོ་ ༢༠༠༨ ཟླ་ ༡༡ ཚེས་ ༡ རེས་གཟའ་སྤེན་པ།
༄༅། །བོད་གཞུང་ཆོས་རིག་ལས་ཁུངས་ནས་ ༢༠༠༨ ཕྱི་ཟླ་ ༡༠ ཚེས་ ༣༠ འཁོད་གནས་ནང་གསལ། འཛམ་གླིང་ཡུལ་གྲུ་གང་ས་ནས་སྤྱིར་ནང་ཆོས་དང་ལྷག་པར་ཟབ་ལམ་འཇའ་ལུས་འཕོ་བའི་གདམས་ངག་ཉམས་ལེན་ལ་དོན་གཉེར་ཅན་མང་དག་ཞིག་ནས་ཇི་ལྟར་གསོལ་བ་བཏབ་པ་་བཞིན། འབྲི་གུང་ཆོས་རྗེ་ཨ་དབྱངས་རིན་པོ་ཆེ་མཆོག་ནས་ཕྱི་ལོ་ ༡༩༩༣ ལོ་ནས་བཟུང་ལོ་ལྟར་གནས་མཆོག་རྡོ་རྗེ་གདན་དུ་སྔ་འགྱུར་རྙིང་མའི་སྨོན་ལམ་ཆེན་མོ་མ་ཚུགས་སྔོན་ཕྱི་ནང་མི་རིགས་སྟོང་ཚོ་བརྒལ་བ་ཟབ་ལམ་འཕོ་བ་ཆེན་མོའི་ཁྲིད་ཁ་དང་། འཕོ་སྦྱོང་བཀའ་ཁྲིད་བཀྲིན་ཆེ་མུས་ལྟར་འདི་ལོ་ཡང་རྙིང་མའི་སྨོན་ལམ་ཆེན་མོ་མ་ཚུགས་སྔོན་ཕྱི་ལོ་ ༢༠༠༩ ཕྱི་ཟླ་ ༡ ཚེས་ ༡༥ ནས་ཚེས་ ༢༥ བར་ཟབ་ལམ་འཇའ་ལུས་འཕོ་བའི་ཁྲིད་ཁ་དང་། འཕོ་སྦྱོང་བཀའ་ཁྲིད་བཀའ་དྲིན་ཆེ་རྒྱུའི་ཐུགས་གཏན་འཁེལ་སོང་བར་བརྟེན། དད་ལྡན་ཆོས་ཞུ་བ་རྣམས་གནས་མཆོག་ཁྱད་འཕགས་ཅན་དུ་གདམས་ངག་ཟབ་མོ་འདི་ལྟ་བུ་ཞུ་རྒྱུའི་གོ་སྐབས་བྱུང་ན་འདི་ཕྱི་གཉིས་ཕན་གྱི་སྐལ་བཟང་གོ་སྐབས་འདི་ལས་ལྷག་པ་མེད་ངེས་ལ་སོང་། དེ་རྩིས་དེ་སྔ་འཕོ་བའི་བཀའ་ཁྲིད་ཞུ་མྱོང་མཁན་རྣམས་དང་། དེ་བཞིན་གསར་དུ་ཞུ་བློ་ཡོད་རིགས་རྣམས་ཕྱི་ལོ་ ༢༠༠༩ ཕྱི་ཟླ་ ༡ ཚེས་ ༢༥ འགྱངས་མེད་གནས་མཆོག་རྡོ་རྗེ་གདན་དུ་ཕེབས་འབྱོར་ཐུབ་པ་དགོས་རྒྱུའི་ཆོས་བརྡའི་གསལ་བསྒྲགས་སུ།
སྦེལ་ཀོབ་འཕོ་བའི་བཀའ་ཆོས་གྲ་སྒྲིག་ཆོགས་ཆུང་ནས་ ༢༠༠༨ ཟླ་ ༡༠ ཚེས་ ༢༠ ལ།།
འབྲེལ་བ་གནང་ཡུལ།
སྦེལ་ཀོབ་ཁ་པར་ཨང་། ༠༨༢༢༣ ༢༥༤༢༢༠
༠༨༢༢༣ ༢༥༣༨༡༧
ལྡི་ལི་ཁ་པར་ཨང་། ༠༡༡ ༢༦༨༤༨༥༦༨ ༠༡༡ ༢༦༩༢༥༣༣༡
རྡོ་རྗེ་གདན་ཁ་པར་ཨང་། ༠༦༣༡ ༢༢༠༠༢༡༤
