༢༠༡༢ ཟླ་ ༤ ཚེས་ ༢༧ རེས་གཟའ་པ་སངས།
༄༅། །ཕྱི་ལོ་ ༢༠༡༢ ཟླ་ ༤ ཚེས་ ༢༦ ཉིན་བལ་ཡུལ་ཉིན་རེའི་གསར་ཤོག་ཀ་ཐ་མན་ཌུ་པོ་སི་ཊ་(Kathmandu Post)ཞེས་པའི་ནང་གནས་ཚུལ་བཀོད་དོན་ལྟར་ན། བལ་ཡུལ་ནང་སྲིད་ལས་ཁུངས་ནས་བོད་མིའི་སྒྲིག་འཛུགས་ཀྱི་དཔལ་འབྱོར་བཀའ་བློན་ཚེ་རིང་དོན་གྲུབ་མཆོག་གིས་གཙོས་བོད་མི་གྲངས་ ༡༡ ལ་བལ་ཡུལ་ལ་ཕྱོགས་ཕེབས་སྐབས་བལ་ཡུལ་ཏྲི་བྷུ་ཝན་གནམ་ཐང་(Tribhuvan International Airport)ནས་བལ་ཡུལ་ནང་དུ་འཛུལ་ཞུགས་བྱེད་མ་བཅུག་པར་བཀག་འགོག་བྱས་པའི་གནས་ཚུལ་ཐོན་པ་དེ་ནི་དྲང་བདེན་རྩ་བ་ནས་མིན། གང་ཡིན་བརྗོད་ན་སྐབས་དེར་དཔལ་འབྱོར་བཀའ་བློན་མཆོག་རྡ་སར་བཞུགས་ཡོད་སྐོར་བཀའ་དྲུང་གཡུ་ཐོག་ཀརྨ་དགེ་ལེགས་ལགས་ཀྱིས་གསལ་བཤད་གནང་ཡོད་པ་བཅས།།