ཕྱི་ལོ་ ༢༠༠༨ ཟླ་ ༡༠ ཚེས་ ༢༠ རེས་གཟའ་ཟླ་བ།
༄༅། །དཔལ་ལྡན་སྐུ་སྒེར་ཡིག་ཚང་ནས་ཕྱི་ལོ་ ༢༠༠༨ ཟླ་ ༧ ཚེས་ ༡༠ ཉིན་གསལ་བསྒྲགས་ཤིག་སྤེལ་བའི་ནང་འཁོད་དོན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་ཝྭ་རྭཎ་སྭིར་ཕྱི་ལོ་ ༢༠༠༩ ཟླ་ ༡ ཚེས་ ༧ ནས་ཚེས་ ༡༣ བར་བྱང་ཆུབ་སེམས་པའི་སྤྱོད་པ་ལ་འཇུག་པ་དང་། མངོན་པ་ཀུན་བཏུས་ཀྱི་གསུང་ཆོས་བཀའ་དྲིན་བསྐྱང་རྒྱུ་ཡིན། ཞེས་བཀོད་ཡོད་པར་གསུང་ཆོས་གནང་རྒྱུའི་དུས་ཚེས་ལ་ཕྲན་བུའི་གྱུར་བ་ཕྱིན་ནས་ཉིན་གཅིག་ཕྱིར་རྒྱང་གིས་ཕྱི་ལོ་ ༢༠༠༩ ཟླ་ ༡ ཚེས་ ༨ ནས་ཚེས་ ༡༤ བར་ཡིན་འདུག་ན་དེ་དོན་དད་ལྡན་ཆོས་ཞུ་བ་ཡོངས་ནས་དགོངས་འཇགས་ཡོང་བ་ཞུ།།
