༢༠༡༢ ཟླ་ ༤ ཚེས་ ༡༧ རེས་གཟའ་མིག་དམར།
༄༅། །ཕྱི་ལོ་ ༢༠༡༢ ཟླ་ ༤ ཚེས་ ༡༨ དང་ ༡༩ བཅས་ཉིན་གྲངས་གཉིས་རིང་བོད་མིའི་ཚོང་ལས་བདེ་ཚོགས་ཀྱི་ལོ་འཁོར་ཚོགས་ཆེན་དེ་བཞིན་རྡ་ས་གངས་སྐྱིད་སྤྱི་ཐབ་ཡང་སྟེང་ཚོགས་ཁང་དུ་ཚོགས་གཏན་འཁེལ་འདུག དེ་ཉིན་སྔ་དྲོ་ཆུ་ཚོད་ ༩།༣༠ ཐོག་བོད་མིའི་ཚོང་ལས་བདེ་ཚོགས་ཀྱི་སྤྱི་ཁྱབ་དྲུང་ཆེ་བསྟན་འཛིན་དབང་ཕྱུག་ལགས་ཀྱིས་ཕེབས་བསུའི་གསུང་བཤད་གནང་རྒྱུ་དང། དེ་རྗེས་བོད་མིའི་སྒྲིག་འཛུགས་ཀྱི་བཀའ་ཁྲི་བློ་བཟང་སེང་གེ་མཆོག་གིས་སྣང་གསལ་ཞལ་ཕྱེ་གནང་སྟེ་སྐར་མ་གཅིག་རིང་བོད་དོན་ཆེད་རང་སྲོག་བློས་གཏོང་གནང་མཁན་ཚོར་མྱ་ངན་ངག་བཅད་ཞུ་རྒྱུ་ཡིན་འདུག དེ་རྗེས་ཚོགས་གཙོ་སྐལ་བཟང་ནོར་བུ་ལགས་ཀྱིས་ཚོགས་གཙོའི་གཏམ་བཤད་དང་ལོ་འཁོར་ལས་བསྡོམས་སྒྲོག་སྦྱང་ཞུ་རྒྱུ་དང། དངུལ་གཉེར་སྐལ་བཟང་ཕུན་ཚོགས་ལགས་ཀྱིས་ལོ་འཁོར་རྩིས་ཕྲ་སྒྲོག་སྦྱང་ཞུ་རྒྱུ་ཡིན་འདུག དེ་ནས་བཀའ་ཁྲི་མཆོག་གིས་གསུང་བཤད་གནང་སྟེ་འབྲེལ་ཡོད་ཚོགས་མི་ཁག་གཅིག་ལ་ཕྱག་འཁྱེར་དང་གཟེངས་བསྟོད་ཀྱང་གནང་རྒྱུ་ཡིན་འདུག་པ་བཅས།།