༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༢༥ ཟླ་བ་ ༣ ཚེས་ ༣༡ ཉིན་གྱི་ཕྱེད་ཡོལ་ཆུ་ཚོད་ ༡༢༌༥༣ ཐོག་ཀུམ་རའོ་ས་གནས་འོས་བསྡུ་འགན་འཛིན་དང་ས་འགོ་གཅིག་ལྕོགས་བསྟན་འཛིན་རིན་ཆེན་ལགས་ཀྱིས་འགན་འཁུར་འོག་ས་འཐུས་ཚོགས་མི་རྣམས་དང་། རྩིས་དྲུང་། ལས་བྱེད་གཞན་བཅས་ས་འཐུས་ཚོགས་ཁང་དུ་ཚང་འཛོམས་ཀྱིས། ས་གནས་འཐུས་ཚོགས་སྐབས་ ༩ པའི་ཚོགས་མི་གསར་འདེམས་གྲངས་ ༧ ནས་ཚོགས་མི་ ༦ ནས་བྱང་ཕྱོགས་ས་གནས་ཁྲིམས་ཞིབ་པ་ཆོས་སྐྱིད་ལགས་ཀྱི་མདུན་དུ་ལས་འཁུར་དམ་འབུལ་ཞུས་ཡོད་པ་དང་། དེ་དག་གི་ཁོངས་ནས་ཚོགས་གཙོར་བཀྲ་ཤིས་དོན་གྲུབ་ལགས་དང་ཚོགས་གཞོན་དུ་བློ་བཟང་ལགས་རྣམ་གཉིས་བདམས་ཐོན་གྱིས་ཚོགས་གཙོ་ཚོགས་གཞོན་གྱི་ལས་འཁུར་དམ་བཅའ་འབུལ་བཞེས་ལེགས་གྲུབ་བྱུང་འདུག
གོང་གསལ་དམ་འབུལ་གྱི་མཛད་སྒོ་འགོ་མ་འཛུགས་གོང་ས་གནས་ཁྲིམས་ཞིབ་པ་ཆོས་སྐྱིད་ལགས་ནས་རང་ཉིད་ཀྱི་ངོ་སྤྲོད་མདོར་བསྡུས་ཞུས་རྗེས། ཚོགས་བཅར་བ་རྣམས་ལ་ས་འཐུས་དང་འབྲེལ་བའི་ཁྲིམས་སྒྲིག་ཁག་ཅིག་གི་ངོ་སྤྲོད་གནང་འདུག་པའི་གནས་ཚུལ་དུ།།
