༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། བོད་མི་མང་སྤྱི་འཐུས་བསྟན་པ་ཡར་འཕེལ་ལགས་དང་། སྤྱི་འཐུས་དབྲ་རྩ་བསོད་ནམས་ནོར་བུ་ལགས་རྣམ་གཉིས་ནས་ལྡི་ལི་ས་གནས་འགོ་འཛིན་ཁྱབ་ཁོངས་བོད་མིའི་སུད་ཚོང་ས་གནས་ཁག་ལ་གཞུང་འབྲེལ་ས་བགོས་ཕྱོགས་ཕེབས་གནང་བཞིན་ཡོད་པ་ལྟར། ཕྱི་ལོ་ ༢༠༢༥ ཟླ་བ་ ༡ ཚེས་ ༡༥ ཉིན་བོད་མི་མང་སྤྱི་འཐུས་རྣམ་པ་གཉིས་ནས་ལྡི་ལི་མཁར་རྫོང་དམར་པོའི་ (Lal Quilla) བོད་མིའི་སུད་ཚོང་ཁྲོམ་ས་ཁག་ ༡༣༨ དང་། ཤེས་རིག་པར་ཁང་བཅས་སུ་གཞུང་འབྲེལ་ས་བགོས་ཕྱོགས་ཕེབས་ཀྱིས་གཟིགས་སྐོར་དང་། ས་གནས་བོད་མི་སུད་ཚོང་བའི་བདེ་སྡུག་གནས་སྟངས་ཐོག་གཟིགས་ཞིབ་མཐིལ་ཕྱིན་གནང་ཡོད་པ་བཅས། །
