༄༅། །ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་ཀརྨ་ཡེ་ཤེས་ལགས་རྒྱ་གར་ལྷོ་ཕྱོགས་དང་། ལྡི་ལི་ཁུལ་གྱི་མཐོ་སློབ་ཁག་ཏུ་འགྲིམ་བཞིན་པའི་བོད་པའི་གཞོན་སྐྱེས་རྣམས་ལ་བོད་མིའི་སྒྲིག་འཛུགས་དང་སྲི་ཞུའི་གལ་གནད། དེ་བཞིན་སྲི་ཞུའི་ལས་བྱེད་ཁོངས་འཛུལ་ཞུགས་བྱ་རྒྱུའི་གོ་སྐབས་སོགས་ཀྱི་སྐོར་གོ་རྟོགས་སྤེལ་སླད་གཞུང་འབྲེལ་ཕྱོགས་ཕེབས་གནང་ཡོད་པ་བཞིན། ཕྱི་ལོ་ ༢༠༢༤ ཟླ་བ་ ༡༢ ཚེས་ ༢ རེས་གཟའ་ཟླ་བའི་ཉིན་ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་ཀརྨ་ཡེ་ཤེས་ལགས་ཀྱིས་སྦེང་ལོར་བོད་ཁྱིམ་སྡོད་ཁང་དུ་སྦེང་ལོར་ཁུལ་གྱི་མཐོ་སློབ་ཁག་ཏུ་འགྲིམ་བཞིན་པའི་རང་རེའི་གཞོན་སྐྱེས་རྣམས་ལ། བོད་མིའི་སྒྲིག་འཛུགས་དང་། སྲི་ཞུའི་གལ་གནད། དེ་བཞིན་སྲི་ཞུའི་ལས་བྱེད་ཁོངས་འཛུལ་ཞུགས་བྱ་རྒྱུའི་གོ་སྐབས་སྐོར་གསུང་བཤད་གཙོ་བོར་གྱུར་པའི་རང་རེའི་གཞོན་སྐྱེས་རྣམ་པས་བོད་མི་ཞིག་ཡིན་པའི་ཆ་ནས་བོད་ཀྱི་སྐད་ཡིག་དང་རིག་གཞུང་རྒྱུན་འཛིན་བྱ་རྒྱུའི་འོས་འགན་སྐོར་ལམ་སྟོན་གསུང་བཤད་གནང་རྗེས་དྲི་བ་དྲིས་ལན་དང་བསམ་ཚུལ་བརྗེ་ལན་གྱི་ལས་རིམ་གནང་ཡོད། །
