༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། བོད་མི་མང་སྤྱི་འཐུས་དགེ་བཤེས་ཨ་ཀྲོང་རིན་ཆེན་རྒྱལ་མཚན་ལགས་དང་། སྤྱི་འཐུས་བློ་བཟང་རྒྱ་མཚོ་སྲི་ཐར་ལགས། སྤྱི་འཐུས་བསྟན་འཛིན་ཆོས་འཛིན་ལགས་བཅས་ལས་གྲུབ་པའི་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ནས་ཡུ་རོབ་སུད་སི་རྒྱལ་ཁབ་ཀྱི་ཇི་ནི་ཝ་གྲོང་ཁྱེར་ནང་བོད་དོན་ཞུ་སྐུལ་གནང་བཞིན་ཡོད་པ་ལྟར། ཕྱི་ལོ་ ༢༠༢༤ ཟླ་ ༡༠ ཚེས་ ༢༡ ཉིན་གྱི་སྔ་དྲོར། བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ནས་མཉམ་འབྲེལ་རྒྱལ་ཚོགས་ཀྱི་ཚོགས་ཞུགས་རྒྱལ་ཁབ་འདྲ་མིན་གྱི་སྐུ་ཚབ་རྣམས་དང་ལྷན་བཞུགས་མོལ་ཚོགས་འདུ་ཞིག་གནང་བ་དང་། སྐབས་དེར་བོད་མི་མང་སྤྱི་འཐུས་རྣམ་པས་བོད་ནང་གི་ཛ་དྲག་གནས་སྟངས་དང་། རྒྱ་ནག་གཞུང་གིས་བརྒྱུད་ལམ་སྣ་ཚོགས་ནས་བོད་ཀྱི་ཆོས་དང་། སྐད་ཡིག རིག་གཞུང་དང་བཅས་པ་རྩ་མེད་བཟོ་རྒྱུའི་ད་ལྟའི་སྡུག་རྩུབ་ཅན་གྱི་སྲིད་བྱུས་ལག་བསྟར་བྱེད་བཞིན་པའི་སྐོར་ངོ་སྤྲོད་གནང་བ་མ་ཟད། བོད་མི་མང་སྤྱི་འཐུས་ལྷན་ཚོགས་དང་། གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ། མཉམ་འབྲེལ་རྒྱལ་ཚོགས་ཀྱིས་རྒྱ་ནག་ནང་གི་འགྲོ་བ་མིའི་ཐོབ་ཐང་ཐོག་དུས་བཀག་བསྐྱར་ཞིབ་སྐབས་སུ། བོད་དོན་གླེང་སློང་དང་། རྒྱབ་སྐྱོར་གནང་བར་ཐུགས་རྗེ་ཆེ་ཞུས་དང་། དེ་བཞིན་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ནས་རྒྱ་ནག་གཞུང་གིས་སོ་སོའི་བྱ་སྤྱོད་ལ་འགན་ཁུར་ཐུབ་པ་བཟོ་རྒྱུ་གལ་ཆེ་ཡིན་པའི་སྐོར་གསུངས་པ་དང་། མཉམ་འབྲེལ་རྒྱལ་ཚོགས་ནང་མུ་མཐུད་བོད་དོན་གླེང་སློང་དང་། ཆབས་ཅིག་མཉམ་འབྲེལ་རྒྱལ་ཚོགས་ཀྱི་ལས་རིམ་གཞན་ཁག་གི་ནང་ལའང་དེ་མཚུངས་བོད་དོན་གླེང་རྒྱུའི་གོ་སྐབས་བསྐྲུན་ཐབས་ཡོང་བའི་འབོད་སྐུལ་ཞུས་གནང་འདུག
ཉིན་རྒྱབ་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ནས་མཉམ་འབྲེལ་རྒྱལ་ཚོགས་ཀྱི་དམིགས་བསལ་ཞིབ་འཇུག་མཁན་རྣམས་དང་ལྷན་བཞུགས་མོལ་ཚོགས་འདུ་ཞིག་ཚོགས་ཤིང་། དེའི་སྐབས་སྤྱི་འཐུས་རྣམ་པས། ཚོགས་འདུར་ཕེབས་པའི་སྐུ་ཚབ་རྣམ་པ་སོ་སོའི་ལས་འགན་དང་འབྲེལ། བོད་ནང་གི་ད་ལྟའི་གནས་སྟངས་སྐོར་སོ་སོར་གསལ་བཤད་དང་། དེ་བཞིན་བོད་ནང་གི་སྤྱི་ཡོངས་ཀྱི་ཛ་དྲག་གནས་སྟངས་ཐོག་སེམས་འཚབ་ཡོད་སྐོར་གསུངས་པ་དང་། དེ་བཞིན་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ནས། དེ་གའི་ཚོགས་བཞུགས་ལས་བྱེད་རྣམ་པས་བོད་ནང་དངོས་ཡོད་གནས་ཚུལ་གྱི་སྙན་ཐོ་རིམ་པར་འདོན་སྤེལ་གྱིས་རྒྱ་ནག་གཞུང་གི་བྱ་སྤྱོད་ཐེར་འདོན་དང་། བོད་ནང་གི་ཛ་དྲག་གནས་སྟངས་འཛམ་གླིང་ཡོངས་ལ་གསལ་སྟོན་གནང་བ་བཅས་ལ་ཐུགས་རྗེ་ཆེ་ཞུས་གནང་འདུག
གཞན་ཡང་དེ་ཉིན་སུད་སི་གྲོས་ཚོགས་འཐུས་མི་སྐུ་ཞབས་ནི་ཀོ་ལ་སེ་ ཝལ་ཌར་ (Mr. Nicolas Walder) མཆོག་དང་ལྷན་མཇལ་འཕྲད་ཀྱིས་བོད་ནང་གི་ད་ལྟའི་ཛ་དྲག་གནས་སྟངས་སྐོར་ངོ་སྤྲོད་དང་། སུད་སི་དང་རྒྱ་ནག་དབར་གྱི་ཁྲལ་མེད་ཚོང་འབྲེལ་གན་ཡིག་ (Free Trade Agreement) མུ་མཐུད་གནས་ཆེད་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐོག་གླེང་སློང་གནང་དགོས་པའི་འབོད་སྐུལ་དང་། དེ་བཞིན་སུད་སིར་གནས་སྡོད་བོད་མིའི་དཀའ་ངལ་སེལ་ཐབས་བཅས་ཀྱི་ཐོག་ཞུ་སྐུལ་གནང་རྗེས། དཔལ་ལྡན་ཚོགས་གཙོ་མཆོག་གི་མཚན་རྟགས་འཁོད་པའི་བོད་དོན་ཞུ་སྐུལ་གྱི་སྙན་ཞུ་དང་། སྤྱི་འཐུས་ལྷན་ཚོགས་ཀྱི་དྲན་རྟེན་ཕྱག་རྟགས་བཅས་ཕུལ་གནང་འདུག
ཕྱི་ཚེས་ ༢༢ ཉིན་སྔ་དྲོར་བོད་མི་མང་སྤྱི་འཐུས་སྐུ་
གཞན་ཡང་བོད་མི་མང་སྤྱི་འཐུས་ལྷ
མཇལ་འཕྲད་སྐབས་སོ་སོར་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་དང་ལྷན། སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་དང་། དོན་ཁང་གི་མཉམ་འབྲེལ་རྒྱལ་ཚོགས་སུ་བོད་དོན་ཞུ་གཏུགས་ལས་བྱེད་ཕུན་ཚོགས་སྟོབས་རྒྱལ་ལགས་རྣམ་གཉིས་མཉམ་བཅར་ཞུས་འདུག་པ་བཅས། །
