༢༠༡༢ ཟླ་ ༡ ཚེས་ ༢༡ རེས་གཟའ་སྤེན་པ།
༄༅། །ཕྱི་ལོ་ ༢༠༡༢ ཟླ་ ༡ ཚེས་ ༡༦ ནས་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས་གོ་སྒྲིག་འོག་ས་གནས་འགོ་འཛིན་དང་སྨན་ཁང་འགན་འཛིན་ཁག་གཅིག་ལ་(Training for Trainers)ཞེས་པའི་བོད་མིའི་སྨན་བཅོས་བལྟ་སྐྱོང་ལས་གཞིའི་ཐོག་ཟབ་སྦྱོང་ཞིག་ལྡི་ལི་དང༌། སྦེལ་ཀོབ། ས་ལུ་གྷ་ར་བཅས་སུ་གནང་བཞིན་ཡོད། དེ་ཡང་གོང་ཚེས་ཉིན་ལྡི་ལི་བོད་སྒར་བསམ་ཡས་གླིང་དུ་འཕྲོད་བསྟེན་བཀའ་བློན་ཚེ་རིང་དོན་གྲུབ་མཆོག་གིས་ཟབ་སྦྱོང་དབུ་འབྱེད་དང་འབྲེལ་རྒྱ་གར་བྱང་ཕྱོགས་བོད་མིའི་གཞིས་སྒར་ཨུ་ཊར་ཁཎྜ་དང་། ལ་དྭགས། བདེ་སྐྱིད་གླིང་ས་གནས་འགོ་འཛིན། སྨན་ཁང་འགན་འཛིན། ཧ་པར་སྤུར་ས་གནས་འགོ་འཛིན། དོན་གྲུབ་གླིང་ས་གནས་འགོ་འཛིན། རཇ་སྤུར་བཟོ་གྲྭའི་འགན་འཛིན། རྡ་ས་ས་གནས་འགོ་འཛིན། སྦིར་བོད་ཚོགས་ས་གནས་འགོ་འཛིན། སྦིར་སྨན་ཁང་འགན་འཛིན། སྦིར་ནང་ཆེན་ས་གནས་འགོ་འཛིན། ཁམས་ཀ་སྟོག་ས་གནས་འགོ་འཛིན། ཀུམ་རའོ་ས་གནས་འགོ་འཛིན། པོན་ཊ་ས་གནས་འགོ་འཛིན། སྤུ་རུ་ཝ་ལ་ས་གནས་འགོ་འཛིན། སིམ་ལ་ས་གནས་འགོ་འཛིན། ཀུ་ལུ་ས་གནས་འགོ་འཛིན། ཤེ་ལོང་ས་གནས་འགོ་འཛིན། ལྡི་ལི་ས་གནས་འགོ་འཛིན། ཌལ་ཧོར་ས་གནས་འགོ་འཛིན། པོན་ཌོ་ས་གནས་འགོ་འཛིན། བཀྲིས་ལྗོངས་ས་གནས་འགོ་འཛིན། བོན་གཞིས་ས་གནས་འགོ་འཛིན། ལ་དྭགས་ས་གནས་འགོ་འཛིན་བཅས་ལ་ཉིན་གྲངས་གསུམ་རིང་ཟབ་སྦྱོང་གནང་ཡོད་པ་དང༌།
ཕྱི་ཚེས་ ༢༠ ནས་ཉིན་གྲངས་གསུམ་གྱི་རིང༌རྒྱ་གར་ལྷོ་ཕྱོགས་དང་དབུས་ཕྱོགས་བོད་མིའི་གཞིས་སྒར་མོན་གྷོ་ས་གནས་འགོ་འཛིན་དང་སྨན་ཁང་འགན་འཛིན། སྦེལ་ཀོབ་ལུགས་བདེ་ས་གནས་འགོ་འཛིན་དང༌། སྨན་ཁང་འགན་འཛིན། ཧོན་སུར་ས་གནས་འགོ་འཛིན། སྨན་ཁང་འགན་འཛིན། ཀོ་ལེ་གྷལ་ས་གནས་འགོ་འཛིན་དང་སྨན་ཁང་འགན་འཛིན། མན་སྤར་ས་གནས་འགོ་འཛིན་དང་སྨན་ཁང་འགན་འཛིན། བྷན་རྡ་ར་ས་གནས་འགོ་འཛིན་དང་སྨན་ཁང་འགན་འཛིན། ཨོ་རི་ས་ས་གནས་འགོ་འཛིན་དང་སྨན་ཁང་འགན་འཛིན་བཅས་ལ་སྨན་བཅོས་ལྟ་སྐྱོང་ལས་གཞིའི་ཟབ་སྦྱོང་གནང་བཞིན་པ་དང་།
ཕྱི་ཚེས་ ༢༥ ནས་ས་ལུ་གྷ་ར་དུ་ཉིན་གྲངས་གསུམ་གྱི་རིང་རྒྱ་གར་བྱང་ཤར་ཁུལ་གྱི་ར་ཝང་ལ་ས་གནས་འགོ་འཛིན་དང། སྒང་ཏོག་ས་གནས་འགོ་འཛིན། སོ་ན་ཌ་ས་གནས་འགོ་འཛིན། རྡོར་གླིང་ས་གནས་འགོ་འཛིན། ཀ་སྦུག་ས་གནས་འགོ་འཛིན། བུམ་ལ་བསྟན་འཛིན་སྒང་ས་གནས་འགོ་འཛིན། མེའོ་ས་གནས་འགོ་འཛིན། ཏེ་ཛུ་ས་གནས་འགོ་འཛིན་བཅས་ལ་བོད་མིའི་སྨན་བཅོས་བལྟ་སྐྱོང་ལས་གཞིའི་ཟབ་སྦྱོང་གནང་རྒྱུ་ཡིན་འདུག
ལྡི་ལིར་ཟབ་སྦྱོང་ཉིན་དང་པོར་དཔལ་ལྡན་འཕྲོད་བསྟེན་བཀའ་བློན་མཆོག་ནས་ཚོགས་བཅར་གནང་སྟེ་ཟབ་སྦྱོང་བ་ཚོར་བཀའ་སློབ་ལམ་སྟོན་གནང༌ཡོད་པ་བཅས།།
