༢༠༡༡ ཟླ་ ༡༢ ཚེས་ ༢༡ རེས་གཟའ་ལྷག་པ།
༄༅།  དེང་སྐབས་ཧི་མ་ཅཱལ་མངའ་སྡེའི་གཞུང་གི་དགུན་དུས་གྲོས་ཚོགས་རྡ་རམ་ས་ལར་འཚོགས་བཞིན་ཡོད་སྟབས་ཧི་མཱ་ཅལ་མངའ་སྡེའི་བློན་ཆེན་སྐུ་ཞབས་སྤེ་རེམ་ཀུ་མར་དྷུ་མལ་མཆོག་རྡ་སར་ཕེབས་ཡོད། ཕྱི་ལོ་ ༢༠༡༡ ཟླ་ ༡༢ ཚེས་ ༢༡ ཉིན་སྔ་དྲོ་ཆུ་ཚོད་ ༩།༣༠ ཐོག་བོད་མིའི་སྒྲིག་འཛུགས་བཀའ་ཤག་གི་སྐུ་ཚབ་ནང་སྲིད་བཀའ་བློན་རྒྱ་རི་སྒྲོལ་མཆོག་དང་། བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ཀྱིས་རྡ་ཤོད་ཧི་མཱ་ཅལ་མངའ་སྡེའི་གྲོས་ཚོགས་འཐུས་མི་བཞུགས་ཡུལ་གསོལ་མགྲོན་ཁང་དུ་ཕེབས་ཏེ་མངའ་སྡེའི་བློན་ཆེན་མཆོག་ལ་འཚམས་འདྲིའི་ཆེད་མཇལ་འཕྲད་ཞུས་ཡོད་འདུག་པ་བཅས།།