༄༅། །ཕྱི་ལོ་ ༢༠༢༤ ཟླ་བ་ ༠༡ ཚེས་ ༡༢ ཉིན་བསྟན་འཛིན་སྒང་ས་གནས་འགོ་འཛིན་ལས་ཁུངས་ཀྱི་གོ་སྒྲིག་དང་སོ་ནམ་སློབ་སྟོན་པའི་མཐུན་འགྱུར་འོག་བསྟན་འཛིན་སྒང་བོད་མིའི་གཞིས་ཆགས་ཀྱི་ཞིང་པ་རྣམས་ལ་ཀི་ཝི་ཤིང་འབྲས་ཀྱི་ཡལ་ག་གཅོད་འབྲེག་བྱེད་ཕྱོགས་ཀྱི་སྦྱོང་བརྡར་གནང་ཡོད་པ་རེད།
དེ་ཡང་གོང་ཚེས་ཉིན་གྱི་སྔ་དྲོ་ས་གནས་འགོ་འཛིན་རབ་བརྟན་ཚེ་རིང་ལགས་ཀྱིས་གཞིས་ཆགས་སུ་ཀི་ཝི་ཤིང་འབྲས་འདེབས་འཛུགས་བྱས་ན་ཕུགས་ལ་ཁེ་ཕན་ཇི་ཡོད་ངོ་སྤྲོད་དང་། དེ་དོན་ས་གནས་ཞིང་པ་རྣམས་་ནས་ཤིང་འབྲས་འདེབས་འཛུགས་བྱ་བར་དོ་ཁུར་གནང་དགོས་པའི་ལམ་སྟོན་གནང་རྗེས་སློབ་སྟོན་པ་བསྟན་འཛིན་ཆོས་གྲུབ་ལགས་ཀྱིས་ས་གནས་ཀྱི་ཞིང་པ་གྲངས་ ༢༧ ལ་ཀི་ཝི་ཤིང་འབྲས་འདེབས་འཛུགས་བྱ་ཕྱོགས་དང་། དེའི་ཡལ་ག་གཅོད་འབྲེག་བྱེད་སྟངས། ཤིང་སོན་འདེམས་སྟོན་སོགས་ཀྱི་སྐོར་སློབ་སྟོན་གནང་ཡོད་པ་བཅས།།
