༄༅། ། ཕྱི་ལོ་ ༢༠༢༣ ཟླ་ ༡༡ པའི་ཚེས་ ༢༣ ཉིན་བོད་མི་མང་སྤྱི་འཐུས་སློབ་ དཔོན་ཐུབ་བསྟན་རྒྱལ་མཚན་ལགས་དང་། སྤྱི་འཐུས་དབང་འདུས་རྡོ་རྗེ་ལགས། སྤྱི་འཐུས་པདྨ་མཚོ་ལགས་བཅས་ལས་ གྲུབ་པའི་བོད་མི་མང་སྤྱི་འཐུས་ ལྷན་ཚོགས་ཀྱི་བོད་དོན་ཞུ་སྐུལ་ ཚོགས་ཆུང་གིས་རྒྱ་གར་བྱང་ཕྱོགས་ ཨུ་ཏར་ཁན་ཌི་མངའ་སྡེའི་ནང་ཉིན་ གྲངས་བཞིའི་རིང་གི་བོད་དོན་ཞུ་ སྐུལ་གྱི་ལས་རིམ་ཁག་ལེགས་གྲུབ་ བྱུང་ཡོད།
![](https://bod.jalus.net/wp-content/uploads/2023/11/1-2.jpg)
![](https://bod.jalus.net/wp-content/uploads/2023/11/6-1-1.jpg)
ཕྱི་དྲོ་ཆུ་ཚོད་ ༤ པའི་ཐོག་བདེ་སྐྱིད་གླིང་ས་གནས་ འགོ་འཛིན་ལས་ཁུངས་ཀྱི་གོ་སྒྲིག་ འོག སྡེ་ར་ལྡུན་གྱི་གསར་འགོད་ལྷན་ཚོ གས་ཀྱི་ཚོགས་ཁང་ (Press Club, Dehradun) ནང་དུ་གསར་འགོད་ལྷན་ཚོགས་ཤིག་ བསྐོངས་ཤིང་། སྐབས་དེར་རྒྱ་གར་གྱི་དུས་བབ་ (Times of India) སོགས་ཀྱི་གསར་འགོད་པ་རྣམས་ལ་ཐེ ངས་འདིའི་བོད་དོན་ཞུ་སྐུལ་གྱི་ ལས་འགུལ་སྐོར་དང་། བོད་ནང་གི་ཛ་དྲག་གནས་སྟངས། རྒྱ་ནག་དམར་གཞུང་གིས་བོད་ས་བཙན་ བཟུང་བྱས་ཏེ་བོད་མི་ཁྲི་ཕྲག་མང་ པོ་དམར་གསོད་བཏང་བའི་སྐོར། བོད་ཀྱི་ཆོས་དང་། རིག་གཞུང་། མི་རིགས་ཀྱི་ངོ་བོ་དང་བཅས་པ་རྩ་ མེད་གཏོང་རྒྱུའི་སྲིད་བྱུས་ལག་ བསྟར་བྱས་དང་བྱེད་མུས་ཡིན་པ་མ་ ཟད། ཁྱིམ་མཚེས་རྒྱལ་ཁབ་རྒྱ་གར་ལའང་ བཙན་འཛུལ་དང་ཧམ་བཟུང་བྱ་རྒྱུ་ མགོ་བརྩམས་ཟིན་པའི་སྐོར་དང་། དེའི་ཐོག་ང་ཚོ་ཚང་མ་རྡོག་རྩ་གཅི ག་ཏུ་བསྒྲིལ་ནས་རྒྱ་ནག་དམར་གཞུ ང་ལ་ཁ་གཏད་གཅོག་དགོས་པའི་དུས་ཚོ ད་གནད་འགག་ཅིག་ལ་བསླེབས་ཟིན་ཡོ ད་པ་སོགས་ཀྱི་སྐོར་ལ་གསུང་བཤད་ དང་། དྲི་བ་དྲིས་ལན་གནང་ཡོད་འདུག
དེ་རྗེས་ས་གནས་ཀྱི་བོད་དོན་རྒྱ བ་སྐྱོར་ཚོགས་པ་གསར་པ་ (BTSS) ཐོག་མར་གསར་འཛུགས་གནང་མཁན་སྐུ་ ཞབས་ཨིན་རྡ་ར་པལ་སིངྒ་ཀོ་ལི་ (Indra Pal Singh Kohli) ལགས་དང་ལྷན་མཇལ་འཕྲད་གནང་ཞིང་། སྐབས་དེར་སྐུ་ཞབས་ཁོང་གིས་ཁོང་ ཉིད་དེ་སྔ་ནས་བོད་མི་རྣམས་དང་ཧ་ ཅང་འདྲིས་པོ་ཡོད་པ་མ་ཟད། བོད་དོན་ཐོག་རྒྱུན་དུ་ཐུགས་སྣང་ གནང་གི་ཡོད་པའི་སྐོར་ངོ་སྤྲོད་ གནང་བ་དང་། བོད་མི་མང་སྤྱི་འཐུས་ལྷན་ཚོགས་ ཀྱི་བོད་དོན་ཞུ་སྐུལ་ཚོགས་ཆུང་ ནས་སྐུ་ཞབས་ཁོང་ལ་བོད་དང་། བོད་དོན་སྐོར་ངོ་སྤྲོད་གནང་ཡོད་ འདུག
![](https://bod.jalus.net/wp-content/uploads/2023/11/7-1.jpg)