༄༅། །རྡ་ས་ས་གནས་འགོ་འཛིན་དཀོན་མཆོག་མིག་དམར་ལགས་ཀྱིས་ཧི་མ་ཅཱལ་མངའ་སྡེའི་རྒྱལ་ས་ཤིམ་ལར་ཧི་མ་ཅཱལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་སུཁ་བིནྡར་སིངྷ་སུཀ་ཁུ་མཆོག་དང་མཇལ་འཕྲད་གནང་ཡོད།

མཇལ་མོལ་སྐབས་ས་གནས་འགོ་འཛིན་ནས་སྤྱི་ཁྱབ་བློན་ཆེན་མཆོག་ལ་རྡ་ས་བོད་མི་ཡོངས་ཀྱི་ཚབ་ཞུས་ཏེ་བཀའ་དྲིན་རྗེས་དྲན་ཞུས་པ་དང་འབྲེལ་དྲན་རྟེན་ཕྱག་རྟགས་དང་བཅས་ཧི་མ་ཅཱལ་སྤྱི་དང་། ཡང་སྒོས་རྡ་ས་ཁུལ་དུ་གནས་སྡོད་བོད་མི་རྣམས་ཀྱི་བདེ་དོན་དང་འབྲེལ་བའི་ཞུ་སྙན་ཞིག་ཕུལ་ཡོད་པ་ལྟར། སྤྱི་ཁྱབ་བློན་ཆེན་མཆོག་ནས་ས་གནས་འགོ་འཛིན་གྱི་ཞུས་དོན་ཁག་ལ་ཐུགས་ཞིབ་གྲོས་མོལ་གནང་རྒྱུ་ཡིན་པའི་ཞལ་བཞེས་གནང་ཡོད་པ་བཅས།།