༄༅། །ཕྱི་ལོ་ ༢༠༢༣ ཟླ་བ་ ༠༩ ཚེས་ ༠༥ དང་ ༠༦ ཉིན་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཁྱབ་ཁོངས་བུད་མེད་ནུས་སྟོབས་གོང་སྤེལ་ཚན་པས་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་སུ་བུད་མེད་འགོ་ཁྲིད་ནུས་པ་སྐྱེད་སྲིང་གི་ཟབ་སྦྱོང་ཞིག་གོ་སྒྲིག་གནང་ཡོད།
དེ་ཡང་ཟབ་སྦྱོང་གི་དམིགས་ཡུལ་གཙོ་བོ་ནི་ལམ་སྟོན་པ་རྣམས་ཀྱི་ནུས་སྟོབས་གོང་འཕེལ་དང་། ལས་ཀའི་ནང་བུད་མེད་ཀྱི་འགོ་ཁྲིད་ནུས་པ་སྐྱེད་སྲིང་ཆེད་ཡིན་ཞིང་། བུད་མེད་ལམ་སྟོན་པ་རྣམས་ནས་ཕོ་མོ་སོགས་རྟགས་ལ་བརྟེན་ནས་རྩུབ་སྤྱོད་འགོག་ཐབས་སླད་ཕྱག་ལས་གནང་གི་ཡོད་པ་བཅས།། 
