༄༅། །འདི་གར་མོན་གྷོ་འདོད་རྒུ་གླིང་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། མོན་གྷོ་འདོད་རྒུ་གླིང་ས་གནས་འགོ་འཛིན་ལས་ཁུངས་ཀྱི་ཁྱབ་ཁོངས་ཞི་བ་འཚོ་དཔེ་མཛོད་ཁང་ནས་སློབ་གྲྭའི་དབྱར་དུས་གུང་སེང་དང་སྟབས་བསྟུན་ཕྱི་ལོ་ ༢༠༢༣ ཟླ་བ་ ༥ ཚེས་ ༢ ནས་ ༡༥ བར་བདུན་ཕྲག་གཉིས་རིང་རང་རེའི་སློབ་ཕྲུག་རྣམས་ཀྱི་ཡི་གེ་འབྲི་ཀློག་དང་ཡིག་གཟུགས་ཡར་རྒྱས་གཏོང་སླད་ལས་རིམ་འདྲ་མིན་གྱི་ཟུར་སྦྱོང་གོ་སྒྲིག་ཞུས་ཡོད།

དེ་ཡང་ཟུར་སྦྱོང་སྐབས་སུ་སློབ་ཕྲུག་རྣམས་ལ་དཔལ་ལྡན་འབྲས་བློ་གླིང་གི་ཕུ་ཁང་དགེ་བཤེས་བློ་བཟང་རྒྱ་མཚོ་ལགས་ཀྱིས་སྦྱང་ཤིང་ཐོག་ཡིག་གཟུགས་སློབ་འཁྲིད་གནང་བ་དང་། མོན་གྷོ་སམ་བྷོ་ཊ་སློབ་དགེ་ཟུར་པ་རྒན་བཞིན་བཟང་ལགས་ཀྱིས་སྒྲུང་གཏམ་བཤད་རྩལ་དང་སྐད་ཤུགས་ཀྱི་ཀློག་འདོན། དེ་བཞིན་དཔེ་མཛོད་དོ་དམ་པ་བདེ་སྐྱིད་བཟང་མོ་ལགས་ཀྱིས་རྒྱུ་རྩལ་འཛིན་གྲྭ་དང་། དཔེ་དེབ་ཀྱི་ཁ་ཤོག་དང་དཔེ་དོབ་ངོ་སྤྲོད་སོགས་ཀྱི་སྐོར་སློབ་ཁྲིད་གནང་ཡོད། ཟུར་སྦྱོང་སྐབས་སློབ་ཕྲུག་དང་ཕ་མ་ཚོས་ཀྱང་སློབ་ཚན་ལ་ཐུགས་སྣང་གང་ལེགས་གནང་ཡོད་པ་བཅས།།