༄༅། །ཕྱི་ཟླ་ ༠༥ དེ་བཞིན་སེམས་ཁམས་འཕྲོད་བསྟེན་གོ་རྟོགས་ཀྱི་ཟླ་བར་སྲུང་བརྩི་ཞུ་རྒྱུའི་ཐག་གཅོད་བྱུང་དོན་ལྟར། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་སེམས་ཁམས་འཕྲོད་བསྟེན་ཚན་པས་དྲ་ལམ་བརྒྱུད་ཕྱི་ལོ་ ༢༠༢༣ ཟླ་བ་ ༠༥ ཚེས་ ༠༧ ཉིན་སེམས་འཚབ་དང་སེམས་ངལ་གཅུན་ཐབས་སྐོར་བགྲོ་གླེང་གོ་སྒྲིག་གནང་ཡོད།
དེ་ཡང་སྨན་པ་ཀུན་དགའ་ནོར་འཛོམས་ལགས་ཀྱིས་བོད་མིའི་འཕྲོད་བསྟེན་སྨན་ཁང་ཁག་གི་སེམས་ཁམས་འཕྲོད་བསྟེན་གྱི་འབྲེལ་ཡོད་སྨན་ཞབས་པ་དང་། བོད་སློབ་ཁག་གི་མདུན་ལམ་སློབ་སྟོན་པ་སོགས་ཚོགས་བཅར་བ་ ༡༠༤ ལྷག་ལ་སེམས་ཁམས་འཕྲོད་བསྟེན་དང་འབྲེལ་བའི་སྐོར་གོ་རྟོགས་སྤེལ་གནང་ཡོད་པ་མ་ཟད། དྲི་བ་ཁག་ལ་ལན་འདེབས་གནང་ཡོད་པ་བཅས།།
