༄༅། །༧བྱམས་མགོན་ཀྭན་ཏིང་ཏཱའི་སི་ཏུ་རིན་པོ་ཆེ་མཆོག་གི་བཀའ་དགོངས་ལམ་སྟོན་ལྟར། སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་སྐུ་རྐྱེན་བར་ཆད་ཉེར་འཚོའི་རིགས་ཐམས་ཅད་ལྷག་མེད་དུ་ཞི་ཞིང་། ཐུགས་ཀྱི་བཞེད་དགོངས་བསྟན་འགྲོའི་དོན་རླབས་པོ་ཆེ་ཐམས་ཅད་གེགས་མེད་ལྷུན་གྲུབ་ཕྱོགས་ལས་རྣམ་པར་རྒྱལ་བར་དམིགས་ཏེ། རྡོར་གདན་གཏེར་སྒར་དགོན་དང་། བཙུན་དགོན་དཔལ་སྤུངས་ཡེ་ཤེས་རབ་རྒྱས་གླིང་དུ་བཙུན་དགོན་གྱི་མཁན་སློབ་དགེ་འདུན་འདུས་སྡེ་ཡོངས་དང་། དཔལ་སྤུངས་བྱང་ཆུབ་ཆོས་གླིང་གི་ལྷ་སྡེ་མི་སྡེ། དཔལ་སྤུངས་གེ་སར་མདའ་མོ་ལྷ་ཁང་གི་ལྷ་སྡེ་མི་སྡེ། དཔལ་རབ་གླིང་བོད་མིའི་གཞིས་ཆགས། གཡུ་ལོ་བཀོད་བོད་མིའི་གཞིས་ཆགས། ཕུན་ཚོགས་རབ་བརྟན་གླིང་གཞིས་སྒར། བྷུན་ཏར་ནས་ཧི་མ་ལ་ཡའི་མི་དམངས་བཅས་ནས་༸རྒྱལ་བའི་སྐུ་ཕྱྭའི་ཞབས་རིམ་དུ་སྒྲོལ་མ་འབུམ་ཐེར་བརྒྱ་ཐམ་པ་གསོག་སྒྲུབ་ཞུས་ཡོད་པ་བཅས། །