༄༅། །བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ལམ་སྟོན་བཀོད་ཁྱབ་ལྟར། ཕྱི་ལོ་ ༢༠༢༣ ཟླ་བ་ ༤ ཚེས་ ༢༥ ཉིན་སྒང་ཏོག་ས་གནས་འགོ་འཛིན་ལྷག་པ་ཚེ་རིང་ལགས་ཀྱིས་ར་ཝང་ལ་ཀུན་ཕན་གླིང་ས་གནས་འགོ་འཛིན་གྱི་ལས་འགན་རྩིས་བཞེས་གནང་ཡོད།དེ་ཡང་རྩིས་སྤྲོད་རྩིས་ལེན་གྱི་ལས་དོན་ལ་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་སྐུ་ཚབ་ཏུ་ཀ་སྦུག་ས་གནས་འགོ་འཛིན་ཀརྨ་དགེ་ལེགས་ལགས་སྤྲོད་དཔང་གིས་འགན་འཁུར་བཞེས་ཐོག་ས་གནས་འགོ་འཛིན་རྡོ་རྗེ་ཚེ་རིང་ལགས་དང་ས་གནས་འགོ་འཛིན་ཚབ་གསར་ལྷག་པ་ཚེ་རིང་ལགས་རྣམ་གཉིས་ནས་གལ་ཆེའི་ཡིག་ཆ་ཁག་དང་འཛིན་ཆས་སོགས་རྩིས་ལེན་རྩིས་སྤྲོད་གནང་གྲུབ་མཚམས་ས་གནས་འགོ་འཛིན་གསར་རྙིང་དབར་ཞབས་སྟེགས་བརྗེ་ལེན་གནང་ཡོད།ཕྱི་ཚེས་ ༢༧ ཉིན་རྫོང་སྤྱི་ལས་ཁུངས་སུ་རྫོང་དཔོན་ཨེམ་བྷ་རཱ་ནི་ཀུ་མཱར་ (M.Bharani Kumar) ལགས་དང་། སྤྱི་ཁྱབ་སྐོར་སྲུང་བ་མཱ་ནིཤ་ཀུ་མཱར་ཊར་མཱ་ (Manish Kumar Verma) ལགས། ས་གནས་ཀྱི་གྲོས་ཚོགས་འཐུས་མི་བཀྲ་ཤོས་དོན་གྲུབ་བྷོ་ཊི་ཡ་ལགས། འབྲས་ལྗོངས་མངའ་སྡེའི་ཆོས་རིག་བློན་ཆེན་བསོད་ནམས་བླ་མ་མཆོག་དང་མཇལ་འཕྲད་གནང་ཡོད་པ་བཅས། །