༄༅། །ཕྱི་ལོ་ ༢༠༢༣ ཟླ་བ་ ༢ ཚེས་ ༢༧ ཉིན་ཕ་རཱན་སིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཇེ་ཁེ་ལིན་ (Jacqueline Eustache-Brinio) ལགས་དང་། ཕ་རཱན་སིའི་གྲོས་ཚོགས་གོང་མའི་འཛིན་སྐྱོང་འགན་འཛིན་སྐུ་ཞབས་ཐེ་རེ་མུ་ནིར་ (Thierry Munier) ལགས་བཅས་ལས་གྲུབ་པའི་ཕ་རཱན་སིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་སྐུ་ཚབ་ཚོགས་ཆུང་ཞིག་ཐུན་མོང་གིས་ཐུགས་འཚབ་གནང་སའི་གནད་དོན་ཁག་གཅིག་གི་སྐོར་ལ་བཀའ་བསྡུར་གནང་སླད་སྦེལ་ཇམ་སྐུ་ཚབ་དོན་ཁང་དུ་ཕེབས་ཡོད་པ་དང་། སྐབས་དེར་སྦེལ་ཇམ་སྐུ་ཚབ་དོན་གཅོད་འགན་ཁང་རིག་འཛིན་ཆོས་སྒྲོན་ལགས་དང་དྲུང་ཆེ་འཕྲིན་ལས་དབང་འདུས་ལགས་ཀྱིས་ཕེབས་བསུའི་སྣེ་ལེན་གཟབ་རྒྱས་ཞུས་གནང་ཡོད།
དེ་ཡང་སྦེལ་ཇམ་སྐུ་ཚབ་དོན་གཅོད་འགན་ཁང་རིག་འཛིན་ཆོས་སྒྲོན་ལགས་ཀྱིས། ཕ་རཱན་སིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་སྐུ་ཚབ་ཚོགས་ཆུང་ལ་ཕེབས་བསུའི་སྣེ་ལེན་ཞུས་པ་དང་འབྲེལ་ཁོང་རྣམ་པས་འབྱུང་འགྱུར་གྱི་ལས་དོན་གནང་ཕྱོགས་སྐོར་བསམ་ཚུལ་བརྗེ་ལེན་དང་བཀའ་བསྡུར་གནང་སླད་སྦེལ་ཇམ་སྐུ་ཚབ་དོན་ཁང་དུ་ཆེད་ཕེབས་གནང་བར་དགའ་པོ་བྱུང་ཞེས་གསུངས་ཡོད་ལ། སྦེལ་ཇམ་སྐུ་ཚབ་དོན་གཅོད་ཀྱི་ངོས་ནས་ཕ་རཱན་སིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་སྐུ་ཚབ་ཚོགས་ཆུང་དང་ལྷན་སྦེལ་ཇམ་ནང་བསྟན་མཐུན་ཚོགས་ (Belgian Buddhist Union) ཀྱི་འགན་འཛིན་སྐུ་ཞབས་ཀར་ལོ་ (Carlo Luyckx) ལགས་དང་། སྦར་སེལ་དུ་ཡོད་པའི་རྒྱལ་སྤྱིའི་བོད་དོན་ལས་འགུལ་ཁང་གི་སྐུ་ཚབ་ཁག་གཅིག་བཅས་ཚོགས་འདུར་མགྲོན་འབོད་ཞུས་གནང་ཡོད། །
ཕ་རཱན་སིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་སྐུ་ཚབ་ཚོགས་ཆུང་ཞིག་སྦེལ་ཇམ་སྐུ་ཚབ་དོན་ཁང་དུ་ཕེབས་པ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)