༄༅། །འདི་གར་ཏི་ཛུ་དར་རྒྱས་གླིང་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། རྒྱ་གར་བྱང་ཤར་བོད་མིའི་གཞིས་སྒར་ཏི་ཛུ་དར་རྒྱས་གླིང་ས་གནས་འགོ་འཛིན་གསར་རྙིང་བར་རྩིས་སྤྲོད་རྩིས་ལེན་ལེགས་གྲུབ་བྱུང་ཡོད།
དེ་ཡང་རྩིས་སྤྲོད་རྩིས་ལེན་གྱི་ལས་དོན་ལ་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་སྐུ་ཚབ་ཏུ་མེའོ་ཆོས་འཕེལ་གླིང་ས་གནས་འགོ་འཛིན་རྡོ་རྗེ་རིན་འཛིན་ལགས་སྤྲོད་དཔང་གིས་འགན་འཁུར་བཞེས་ཐོག་ས་གནས་འགོ་འཛིན་ལས་ཚབ་ལས་དོ་བསྟན་འཛིན་བློ་གྲོས་ལགས་དང་ས་གནས་འགོ་འཛིན་ཚབ་གསར་དྲུང་གཞོན་ཀུན་དགའ་འཇིགས་མེད་ལགས་རྣམ་གཉིས་ནས་ཕྱི་ལོ་ ༢༠༢༣ ཟླ་ ༢ ཚེས་ ༡༥ སྔ་དྲོ་ཆུ་ཚོད་ ༨།༠༠ ནས་འགོ་འཛུགས་ཀྱིས་ཉིན་གཅིག་རིང་གལ་ཆེའི་ཡིག་ཆ་ཁག་དང་འཛིན་ཆས་སོགས་རྩིས་ལེན་རྩིས་སྤྲོད་གནང་། ཕྱི་ཚེས་ ༡༦ ཉིན་ས་གནས་ཀྱི་མཛད་གཙོ་རྣམ་པ་ཚང་འཛོམས་ཐོག་ཞབས་སྟེགས་བརྗེ་ལེན་དང་མི་མང་ལ་གསུང་བཤད་གནང་སྟེ་ཉིན་གྲངས་གཉིས་ནང་ཚུད་རྩིས་སྤྲོད་རྩིས་ལེན་ལེགས་པར་གྲུབ་ཡོད་པ་བཅས། །
