༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༣ ཟླ་ ༢ ཚེས་ ༡ ཉིན་གུང་ཆུ་ཚོད་ ༡ ཐོག་བོད་མི་མང་སྤྱི་འཐུས་དགེ་བཤེས་ལྷ་རམས་པ་གོ་བོ་བློ་བཟང་ཕན་བདེ་ལགས་དང་། སྤྱི་འཐུས་བསྟན་འཛིན་འཇིགས་བྲལ་ལགས་རྣམ་གཉིས་ནས་སིམ་ལར་རྟེན་གཞི་བྱས་པའི་ཧི་མ་ཅཱལ་མངའ་གཞུང་གི་ལས་ཁུངས་སུ་ཧི་མ་ཅཱལ་མངའ་སྡེའི་གཞུང་ལམ་དང་། འཛུགས་སྐྲུན་བློན་ཆེན་སྐུ་ཞབས་ཝིཀ་རམ་ཨཌིཏྱ་སིངྒ་ (Shri. Vikramaditya Singh) མཆོག་དང་། མངའ་སྡེའི་གྲོང་སྡེ་ཡར་རྒྱས་བློན་ཆེན་སྐུ་ཞབས་ཨ་ནི་རུདྷ་སིངྒ་ (Shri. Anirudh Singh) མཆོག མངའ་སྡེའི་ཞིང་ལས་བློན་ཆེན་སྐུ་ཞབས་ཅན་དྷར་ཀུ་མར་ (Shri. Chander Kumar) མཆོག་བཅས་དང་ལྷན་རིམ་པས་མཇལ་འཕྲད་ཀྱིས་བོད་དོན་སྐོར་ཞུ་སྐུལ་དང་། དེ་བཞིན་མངའ་སྡེའི་ནང་གནས་སྡོད་བོད་མི་རྣམས་ཀྱི་བདེ་སྡུག་སྐོར་སྙན་སེང་དང་། མཐུན་འགྱུར་རྒྱབ་སྐྱོར་གནང་སྐྱོང་ཡོང་བའི་རེ་སྐུལ་བཅས་ཞུས་གནང་འདུག

སྐབས་དེའི་མཇལ་འཕྲད་སྐབས། སིམ་ལ་ས་འཐུས་ཚོགས་གཙོ་བསྟན་འཛིན་ལགས་དང་། སིམ་སྤྱི་ཚུལ་ཁྲིམས་རྡོ་རྗེ་ལགས་རྣམ་གཉིས་མཉམ་བཅར་ཞུས་གནང་ཡོད་པ་བཅས། །