༄༅། །བོད་མིའི་སྒྲིག་འཛུགས་ཀྱི་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་ཀྱི་རྒྱ་གར་བྱང་ཤར་རྡོ་རྗེ་གླིང་དང་། ཀ་སྦུག ས་ལུ་སྒ་ར་བཅས་ཀྱི་རྟོག་ཞིབ་གཟིགས་སྐོར་ལེགས་པར་གྲུབ་ཡོད།
དེ་ཡང་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་ཀྱི་ར་ཝང་ལ་ཀུན་ཕན་གླིང་བོད་མིའི་གཞིས་ཆགས་ཀྱི་གཟིགས་སྐོར་ལེགས་པར་གྲུབ་མཚམས་ཕྱི་ལོ་ ༢༠༢༣ ཟླ་བ་ ༠༡ ཚེས་ ༢༧ ཉིན་རྡོ་རྗེ་གླིང་དུ་ཕེབས་འབྱོར་གྱིས་སྐབས་དེར་ས་གནས་འགོ་འཛིན་ཚེ་དབང་ཕུན་ཚོགས་ལགས་དང་། ས་གནས་རང་བདེན་ཚོགས་ཆུང་། ས་གནས་ཀྱི་ཚོགས་སྐྱིད་ཁག་གི་སྐུ་ཚབ་རྣམ་པས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད། ས་གནས་སུ་ཁོང་གིས་ཁང་བཟོ་ལས་གཞིའི་ས་ཚིགས་སུ་ཆེད་ཕེབས་ཀྱི་ལས་གཞིར་གཟིགས་ཞིབ་དང་། ཨར་ལས་པ་ལྷན་ཚོགས་འདུ་བསྐོང་ཚོགས་གནང་བ་མ་ཟད། དེ་རྗེས་རྡོར་གླིང་སྐྱབས་བཅོལ་བོད་མིའི་བཟོ་གྲྭར་གཟིགས་སྐོར་དུ་ཕེབས་ཡོད་པ་རེད།
ཕྱི་ཉིན་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་རྡོར་གླིང་ནས་ས་ལུ་སྒ་རར་ཕེབས་ཐོན་གྱི་ཀ་སྦུག་ས་གནས་འགོ་འཛིན་ཀརྨ་དགེ་ལེགས་ལགས་དང་། ས་གནས་བོད་མི་རྣམས་ནས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད་པ་དང་། ས་གནས་སུ་ཁོང་གིས་ཚོགས་ཁང་གསར་རྒྱག་ལས་གཞིའི་ས་ཚིགས་གཟིགས་ཞིབ་དང་ལས་བྱེད་ལྷན་ཚོགས་འདུ་བསྐོང་ཚོགས་གནང་ཡོད། ཕྱི་ལོ་ ༢༠༢༣ ཟླ་བ་ ༠༡ ཚེས་ ༢༨ ཉིན་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་ཀ་ལོན་སྦུག་ཏུ་ཕེབས་འབྱོར་བྱུང་བ་ལྟར་ས་གནས་འཐུས་ཚོགས་དང་། ས་གནས་རང་བདེན་ཚོགས་ཆུང་། དགོན་སྡེ་ཁག་དང་། གཞུང་ཁོངས་མིན་པའི་ཚོགས་སྡེ་ཁག་གི་སྐུ་ཚབ། ས་གནས་མི་མང་བཅས་ནས་ཕེབས་བསུ་ཞུས།
ཕྱི་ཉིན་ཁོང་གིས་ས་གནས་འགོ་འཛིན་ལས་ཁུངས་དང་། རྒས་གསོ་ཁང་ལ་གཟིགས་སྐོར་གནང་གྲུབ་རྗེས་ཚོགས་ཁང་དུ་ས་གནས་ཀྱི་བོད་མིའི་སྐུ་ཚབ་དང་ལྷན་དུ་ཚོགས་འདུ་བསྐོང་ཚོགས་གནང་སྟེ་གནད་དོན་འདྲ་མིན་ཐད་གྲོས་བསྡུར་གནང་ཡོད་པ་རེད། ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་དང་ལྷན་ནང་སྲིད་འཛིན་གཞིས་ཚན་པའི་
