༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་གསུང་ཆོས་བཀའ་དྲིན་སྐྱོང་སྐབས་ཕྱི་དྲིལ་བོད་ཀྱི་འགྲེམས་སྟོན་ཁང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་རྣམ་དང་། བོད་མི་བཙན་བྱོལ་དུ་འབྱོར་བའི་འགྲུལ་བཞུད་གཞི་ལ་བཞག་པའི་པར་རིས་འགྲེམས་སྟོན་གནང་ཡོད་པ་རེད།

དེ་ཡང་ཕྱི་ལོ་ ༢༠༢༢ ཟླ་བ་ ༡༢ ཚེས་ ༢༥ ཉིན་ནས་འགྲེམས་སྟོན་དབུ་འཛུགས་ཞུས་ཤིང་། སྐབས་དེར་འཛམ་གླིང་གི་རྒྱལ་ཁབ་ཁག་འདྲ་མིན་གྱི་ཆོས་ཞུ་བ་སྟོང་དྲུག་ལྷག་འགྲེམས་སྟོན་གཟིགས་པར་ཕེབས་ཡོད་ཅིང་། ཆ་སྙོམ་ཉིན་རེར་མི་གྲངས་ ༥༠༠ ལྷག་ཕེབས་ཡོད། གཞན་ཡང་སྐབས་དེར་བོད་དོན་དང་འབྲེལ་བའི་དངོས་བྱུང་གློག་བརྙན་ཁག་གཅིག་གཟིགས་འབུལ་ཞུས་ཡོད་པ་ལྟར་ཆོས་ཞུ་བ་མང་པོས་དགའ་མོས་ཆེན་པོའི་སྒོ་ནས་དགྱེས་གཟིགས་གནང་ཡོད།

ཕྱོགས་མཚུངས་སྐབས་དེར་ཕྱི་དྲིལ་ལས་ཁུངས་ནས་པར་སྐྲུན་ཞུས་པའི་བོད་དང་འབྲེལ་བའི་དཔེ་དེབ་ཁག་གཅིག་རིན་མེད་འགྲེམས་སྤེལ་ཞུས་ཡོད་པ་བཅས།།