༄༅། །བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ན་གཞོན་རོགས་སྐྱོར་ཚན་པ་དང་། དེའི་ཡན་ལག་བོད་མིའི་མདུན་ལམ་སློབ་སྟོན་ཁང་ཐུན་མོང་གིས་ཕྱི་ལོ་ ༢༠༢༢ ཟླ་ ༡༢ ཚེས་ ༢༣ ཉིན་ནང་སྲིད་ལས་ཁུངས་ཀྱི་ཚོགས་ཁང་དུ་ནང་སྲིད་ལས་ཁུངས་ཀྱི་དྲུང་ལས་ཡན་གྱི་སྲི་ཞུ་བའི་ལས་བྱེད་རྣམས་ལ་དུས་ཚོད་སྟངས་འཛིན་དང་། འབྲེལ་ལམ། བསྟུན་འགྱུར་རང་བཞིན་བཅས་ཀྱི་སྐོར་ཟབ་སྦྱོང་གནང་ཡོད།

དེ་ཡང་བོད་མིའི་མདུན་ལམ་སློབ་སྟོན་ཁང་གི་ཁྱད་སྟོན་མི་སྣ་འཇིགས་མེད་ལྷ་མོ་ལགས་ཀྱིས་ཟབ་སྦྱོང་གི་དམིགས་ཡུལ་དང་གལ་གནད་སྐོར་ངོ་སྤྲོད་གནང་གྲུབ་མཚམས་ཁོང་གི་ཕྱག་རོགས་འཇམ་དཔལ་བསོད་ནམས་ལགས་ཀྱིས་ཟབ་སྦྱོང་གནང་འགོ་བཙུགས་ཡོད་པ་དང་། ཟབ་སྦྱོང་གནང་དགོས་པའི་དམིགས་ཡུལ་གཙོ་བོ་ནི། སྲི་ཞུ་བའི་ལས་བྱེད་རྣམས་ཀྱི་ལས་དོན་ཁག་ཚགས་ཚུད་དང་དོན་ཕན་ལྡན་པ་ཡོང་ཐབས་སུ་དམིགས་པ་ཞིག་ཡིན་པ་བཅས།།