༄༅། །འདི་གར་འཕྲོད་བསྟེན་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༢ ཟླ་ ༡༢ ཚེས་ ༢༥ ཉིན་བོད་མིའི་སྒྲོག་འཛུགས་འཕྲོད་བསྟེན་ལས་ཁུངས་ནས་གནས་མཆོག་རྡོ་རྗེ་གདན་དུ་དད་ལྡན་ཆོས་ཞུ་བ་རྣམས་ལ་གཞི་རིམ་འཕྲོད་བསྟེན་སྨན་བཅོས་དང་ལྟ་སྐྱོང་ཆེད་ཕྱི་ལོ་ ༢༠༢༢ ཟླ་ ༡༢ ཚེས་ ༢༥ ནས་ཟླ་ ༡ ཚེས་ ༣ བར་རིན་མེད་སྨན་སྒར་གྱི་ཞབས་ཕྱི་སྒྲུབ་འགོ་བཙུགས་ཡོད། སྨན་སྒར་ཆེད་སྨན་པ་གཉིས་དང་། ཕྱི་བཅོས་གསོ་ཐབས་པ་གཅིག སྨན་སྤྲོད་གཅིག སྨན་ཞབས་དྲུག ཁ་ལོ་བ་གཅིག དབུས་འཕྲོད་བསྟེན་ལས་ཁུངས་ཀྱི་འབྲེལ་ཡོད་ལས་བྱེད་གཉིས་བཅས་ཁྱོན་མི་གྲངས་ ༡༣ ཡོད།།
