༄༅། །བལ་ཡུལ་རྒྱལ་ས་དང་འཕགས་ཤིང་ས་གནས་ལས་འཁྱུར་འགོ་འཛིན་ཟུང་དྲུང་ཀརྨ་རྒྱལ་མཚན་ལགས་དང་ས་གནས་འགོ་འཛིན་གསར་པ་དྲུང་གཞོན་ཀརྨ་བཟོད་པ་འཕྲིན་ལས་ལགས་བར་རྩིས་སྤྲོད་རྩིས་ལེན་གནང་ཡོད་པ་དང་། སྐབས་དེར་ནང་སྲིད་ལས་ཁུངས་ཀྱི་སྐུ་ཚབ་བལ་ཡུལ་མཆོད་འཇོར་ས་གནས་འགོ་འཛིན་ཟུར་དྲུང་ཕུར་བུ་བཀྲ་ཤིས་ལགས་ཀྱིས་སྤྲོད་དཔང་གནང་ཡོད།
དེ་ཡང་ཕྱི་ལོ་ ༢༠༢༢ ཟླ་ ༡༢ ཚེས་ ༢༡ རེས་གཟའ་ལྷག་པ་ཉིན་གྱི་སྔ་དྲོ་ཆུ་ཚོད་ ༩།༣༠ ཡོལ་ཙམ་ལ་ས་གནས་འགོ་འཛིན་གསར་རྙིང་གཉིས་དབར་རྒྱལ་འཕགས་ལས་ཁུངས་ཀྱི་ཡིག་ཆ་ཁག་དང་འཛིན་ཆས་ཁག་རེ་རེ་བཞིན་རྩིས་སྤྲོད་རྩིས་ལེན་གྲུབ་མཚམས་རྒྱལ་འཕགས་ལས་ཁུངས་སུ་འཕགས་ཤིང་ས་འཐུས་ཚོགས་གཞོན་དང་། ཤར་ཝ་ར་གསུམ་ས་གནས་འགོ་འཛིན། རྒྱལ་སའི་རང་བདེན་ཚོགས་གཙོ། སྲི་ཞུ་བའི་ལས་བྱེད་འདུ་འཛོམས་ཐོག་རྟེན་འབྲེལ་མཚོན་བྱེད་གསོལ་ཇ་འབྲས་སིལ་འདེགས་འབུལ་ཞུས།
དེ་རྗེས་ས་གནས་འགོ་འཛིན་གསར་རྙིང་གཉིས་དབར་ཞབས་སྟེགས་བརྗེ་ལེན་དང། ས་གནས་འགོ་འཛིན་གསར་རྙིང་གཉིས་ནས་རྩིས་ལེན་རྩིས་སྤྲོད་ཀྱི་ངོ་སྤྲོད་དང་གནས་སྟངས་གསལ་བཤད་གནང་ཡོད་པ་བཅས།། 
