༄༅། །ཨིན་ཡུལ་སྐུ་ཚབ་དོན་གཅོད་ཁང་གི་ལས་འཆར་གྱི་ཆ་ཤས་སུ་ཨིན་ཡུལ་སྐུ་ཚབ་དོན་གཅོད་ཕར་སི་བསོད་ནམས་ཚེ་རིང་ལགས་དང་སློབ་དཔོན་མེ་ཀལ་ཝན་ལྦལ་ཊ་པཱ་རག་ (Prof. Michael Van Walt Praag) ལགས་རྣམ་གཉིས་ནས་བདུན་ཕྲག་འདིའི་ནང་ལི་ཐུ་ནི་ཡཱའི་གྲོས་ཚོགས་སུ་བོད་དོན་སྐོར་གྱི་ཉན་ཞིབ་ལས་རིམ་ནང་མཉམ་ཞུགས་དང་། ཝིལ་ནིའུ་སི་གཙུག་ལག་སློབ་གཉེར་ཁང་ (Vilnius University) དུ་མང་ཚོགས་ལ་གསུང་བཤད་གནང་གཏན་ཁེལ་ཡོད།

དེ་བཞིན་ཨིན་ཡུལ་སྐུ་ཚབ་དོན་གཅོད་ཕར་སི་བསོད་ནམས་ཚེ་རིང་ལགས་ཀྱིས་ལི་ཐུ་ནི་ཡཱའི་རྒྱལ་ས་ཝིལ་ནིའུ་སི་ཁུལ་དུ་ས་གནས་བོད་དོན་རྒྱབ་སྐྱོར་ཚོགས་པ་དང་། གྲོས་ཚོགས་འཐུས་མི། ལི་ཐུ་ནི་ཡཱའི་གཞུང་གི་ལས་བྱེད་སོགས་དང་ཐུག་འཕྲད་གནང་རྒྱུ་ཡིན་པ་མ་ཟད། ཟླ་བ་རྗེས་མར་ལི་ཐུ་ནི་ཡཱ་དང་། ལཱཏ་ཝི་ཡཱ། ཨེསྚོ་ནི་ཡཱ་བཅས་ཀྱི་ནང་བོད་དོན་ཞུ་གཏུག་གི་ལས་འགུལ་གཞི་རྒྱ་ཆེ་བ་ཞིག་སྤེལ་འཆར་ཡོད་པ་བཅས།།