༄༅། །ལྷོ་སྤྱི་འཇིགས་མེད་ཚུལ་ཁྲིམས་ལགས་ཀྱིས་ཀརནཱ་ཊཀ་མངའ་སྡེའི་སྤྱི་ཁྱབ་དྲུང་ཆེ་གསར་པ་བན་དི་ཏཱ་ཤརྨཱ་ལགས་དང་འཚམས་འདྲིའི་མཇལ་འཕྲད་གནང་ཡོད།
དེ་ཡང་མཇལ་འཕྲད་སྐབས་ལྷོ་སྤྱི་འཇིགས་མེད་ཚུལ་ཁྲིམས་ལགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བྱིན་གྱིས་རླབས་པའི་སྟོན་པའི་སྐུ་ཞིག་དྲན་རྟེན་ཆེད་ཕུལ་བ་མ་ཟད། ཁོང་མོར་དེ་སྔོན་གྱི་ཚོགས་འདུའི་མཇུག་སྐྱོང་ཞུ་སྒོ་ཁག་གི་སྐོར་སྙན་སེང་ཞུས་པ་དང་ཆབས་ཅིག་བོད་མིར་སྔར་བཞིན་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་ཡོད་པ་བཅས།།
