༢༠༡༡ ཟླ་ ༡༠ ཚེས་ ༤ རེས་གཟའ་མིག་དམར།
༄༅། །ཕྱི་ལོ་ ༢༠༡༡ ཟླ་ ༡༠ ཚེས་ ༣ ཉིན་འདི་གར་ནང་སྲིད་ལས་ཁུངས་ནས་བཏང་གནས་ནང་འཁོད་དོན། ཨོ་རི་ས་དང་། བྱང་ཤར། བལ་ཡུལ་ཁུལ་ལ་ཆུ་ལོག་དང་ས་ཡོམ་ཤུགས་ཆེ་བྱུང་རྐྱེན་རྒྱ་གར་ཡུལ་མི་དང་རང་རིགས་བོད་མིའི་གཞིས་སྒར་གྱི་མི་རྒྱུ་གཉིས་ལ་དོ་ཕོག་བྱུང་བར་ཛ་དྲག་རྒུད་སྐྱོབ་ཆེད་ནང་སྲིད་དབུས་བོད་མིའི་ངལ་སེལ་ཚོགས་པ་ནས་གདུང་སེམས་མཉམ་སྐྱེ་མཚོན་བྱེད་རོགས་སྐྱོར་ཧིན་སྒོར་འབུམ་གནང་རྒྱུའི་གྲོས་ཆོད་བྱུང་བ་ཆ་བགོས་གཤམ་གསལ།
ཀ། རྒྱ་གར་ཨོ་རི་ས་མངའ་སྡེའི་ཁོངས་གཏོགས་རྫོང་སྡེ་ ༦ ཙམ་ལ་ཆུ་ལོག་གི་མི་རྒྱུ་གཉིས་ལ་གོད་ཆག་ཆེན་པོ་བྱུང་བར་གདུང་སེམས་མཉམ་སྐྱེ་དང་མཐུན་སྒྲིལ་ཆེད་ཞལ་འདེབས་ཧིན་སྒོར་འབུམ་ ༣ དངུལ་ཁང་བརྒྱུད་ཐད་བཏང་ཟིན།
ཁ། རྒྱུ་གར་བྱང་ཤར་ཁུལ་དུ་ས་ཡོམ་ཤུགས་ཆེ་བྱུང་རྐྱེན་ཡུལ་མི་དང་ཁ་དབང་བཅས་ལ་གོད་ཆག་བྱུང་བར་གདུང་སེམས་མཉམ་སྐྱེ་དང་མཐུན་འབྲེལ་སྒོར་འབུམ་ ༢ སྒང་ཏོག་ས་གནས་འགོ་འཛིན་ལས་ཁུངས་སུ་དངུལ་ཁང་བརྒྱུད་ཐད་གཏོང་ཟིན་པའི་དངུལ་འབོར་ཛ་དྲག་གདུང་སེལ་ཚོགས་ཆུང་ལ་ Relief Committee གནང་རྒྱུའི་ཁུངས་ཡིག་བཏང་ཟིན་ཅིང་རིམ་པས་བལ་ཡུལ་ཁུལ་དང་། གཞན་ཡང་བྱང་ཤར་ར་ཝང་ལ། རྡོར་གླིང་། ཀ་སྦུག་ཁུལ་བཅས་སུ་ཡུལ་བོད་སུ་རུང་ལ་གོད་ཆག་ཇི་བྱུང་ཞིབ་གསལ་ཕུལ་འབྱོར་མཚམས་གང་འོས་རྒུན་སྐྱོབ་ཞུ་ཐབས་དང་། གོང་གསལ་ས་ཁུལ་ཁག་ལ་འབྱུང་བའི་རྐྱེན་གྱིས་མི་རྒྱུ་གཉིས་ལ་གོད་ཆག་བྱུང་བར་གདུང་སེམས་མཉམ་སྐྱེ་མཚོན་ཆེད་མང་ཚོགས་དང་རིས་མེད་དགོན་སྡེ་ཁག་སོགས་ནས་ཞལ་འདེབས་གནང་སྐྱོང་ཡོང་བའི་ཛ་དྲག་འབོད་སྐུལ་གསལ་བསྒྲགས་ཤིག་བཏང་ཟིན་པ་བཅས་སུ།