༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ནས་གསལ་བསྒྲགས་བསྐྱངས་དོན། བོད་མིའི་སློབ་ཕྲུག་རྣམས་ལ་ཕྱི་ལོ་ ༢༠༢༢ ཟླ་ ༦ ཚེས་ ༡༤ ནས་ཟླ་ ༧ ཚེས་ ༡༤ བར་ཟླ་གཅིག་རིང་ཉམས་གསོག་སྦྱོང་བརྡར་ཞིག་རྒྱ་གར་ལྷོ་ཕྱོགས་སྦེང་ལོར་དུ་རྟེན་གཞི་བྱས་པའི་རྒྱལ་ཡོངས་སྐྱེས་དངོས་ཚན་རིག་བསྟི་གནས་ཁང་དང་། གྲོང་ཁྱེར་པུ་ནེར་ཡོད་པའི་རྒྱ་གར་ཚན་རིག་ཤེས་ཡོན་དང་ཞིབ་འཇུག་བསྟི་གནས་ཁང་བཅས་སུ་གོ་སྒྲིག་གནང་གཏན་ཁེལ་ཡོད་པས་བོད་རིགས་སློབ་ཕྲུག་གང་མང་ནས་སྙན་གྲགས་ཆེ་བའི་སློབ་གཉེར་ཁང་དེ་གཉིས་སུ་ཉམས་གསོག་སྦྱོང་བརྡར་གྱི་གོ་སྐབས་ལེན་གནང་ཡོང་བའི་འབོད་སྐུལ་ཞུ།
ཉམས་གསོག་ལས་གཞི་དེ་གཙོ་བོ་ཚན་རིག་སློབ་དཔོན་དག་གི་འཛུབ་སྟོན་སྣེ་འཁྲིད་འོག་བོད་རིགས་གཞོན་སྐྱེས་རྣམས་ཚན་རིག་ཤེས་བྱར་དོ་དབྱིངས་སླེབས་ཐབས་དང་། མུ་མཐུད་ནས་ཚན་རིག་ཤེས་ཡོན་ཕྱོགས་སུ་ཤར་སྐྱོད་བྱ་ཐུབ་རྒྱུའི་ཆེད་དུ་དམིགས་ཡོད།
འཛིན་རིམ་ ༡༢ ཚན་རིག་སྡེ་ཚན་དང་ཀམ་པུ་ཊར་སློབ་གཉེར་གནང་བཞིན་པ་དང་། བཟོ་ལས་འཆར་འགོད་ཚན་པ་ཕུད་པའི་དེ་མིན་མཐོ་སློབ་ཚན་རིག་སྡེ་ཁག་གི་ཉེ་བའི་གཙུག་ལག་རབ་འབྱམས་པ་རྣམ་པས་གཤམ་གྱི་སྦྲེལ་ཐག་བརྒྱུད་ཟླ་ ༤ ཚེས་ ༣༠ འགྱངས་མེད་འགེངས་ཤོག་འགེངས་གནང་ཡོང་བ་ཞུ།
འགེངས་ཤོག་སྦྲེལ་ཐག https://forms.gle/SE1N6RqCqykHqJJw5
གོང་གསལ་སྦྲེལ་ཐག་འགེངས་ཤོག་དེ་ཕྱི་ལོ་ ༢༠༢༢ ཟླ་ ༤ ཚེས་ ༣༠ ཉིན་རང་བཞིན་གྱིས་སྒོ་འཐེབ་ཀྱི་ཡོད།
འགེངས་ཤོག་ཆ་མི་ཚང་བ་དང་བདེན་པ་མིན་པ་བཀང་ཚེ་རྩིས་མེད་ཡིན།
འགྲུལ་བཞུད་དང་ཟས་སྡོད་བཅས་པའི་འགྲོ་སོང་ཤེས་རིག་ལས་ཁུངས་ནས་ནར་གཏོང་གནང་རྒྱུ།
འདེམས་སྒྲུག་གི་གཞི་འཛིན་གཙོ་བོ་ནི་འཛིན་རིམ་ ༡༢ སྐབས་ཀྱི་བརྒྱ་ཆ་དང་མཐོ་སློབ་ཀྱི་བརྒྱ་ཆ། དེ་བཞིན་རྩོམ་ཐུང་འབྲི་རྒྱུ་བཅས་ཡིན།
ཡིག་ཟམ་དང་གློག་འཕྲིན་བཅས་ནས་འགེངས་ཤོག་བསྐུར་ཡོང་ཚེ་རྩིས་མེད་ཡིིན།
འཛུལ་ཞུགས་པ་རྣམས་ནས་འགེངས་ཤོག་འགེངས་སྐབས་གཤམ་འོག་གི་ཡིག་ཆ་རྣམས་སྤྱོད་བདེའི་ཡིག་སྒྲོམ་ (PDF) ཐོག་འཇུག་དགོས།
དགོས་ངེས་ཀྱི་ཡིག་ཆ་ཁག
༡༽ཕྱི་ལོ་ ༢༠༢༡ ཟླ་ ༡༢ བར་ཕུལ་ཟིན་པའི་དང་བླངས་དཔྱ་དངུལ་ལག་དེབ་ཀྱི་ངོ་བཤུས།
༢༽རྒྱ་གར་ནང་གཏན་སྡོད་ཆོག་པའི་སྐྱབས་བཅོལ་ལག་དེབ་ཀྱི་ངོ་བཤུས།
༣༽མཐོ་སློབ་བམ་སློབ་གྲྭའི་བདེན་དཔང་རྒྱབ་གཉེར་རམ་སློབ་ཕྲུག་ལག་འཁྱེར་ཀྱི་ངོ་བཤུས།
༤༽འཛིན་རིམ་བཅུ་གཉིས་ཀྱི་བརྒྱ་ཆའི་ངོ་བཤུས།
༥༽མཐོ་སློབ་ཀྱི་བརྒྱ་ཆའི་ངོ་བཤུས། (མཐོ་སློབ་ཏུ་སྐྱོད་བཞིན་པ་ཁོ་ནའི་ཆེད་དུ་ཡིན།)
འབྲེལ་གཏུག་བྱ་ཡུལ།
རྡོ་རྗེ་དབང་འདུས།
ཚན་རིག་ཤེས་ཡོན་འགན་འཛིན།
ཁ་པར་ཨང་གྲངས། ༩༠༠༠༡༤༦༧༧༧
