༄༅། །ཕྱི་ལོ་ ༢༠༢༡ ཟླ་ ༡༠ ཚེས་ ༡༢ ཉིན་བྱང་ཨ་རི་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་ཀྱིས་དྲ་ལམ་བརྒྱུད་རོཌ་ཨཡིའེ་ལེནྡ་གཙུག་ལག་སློབ་གཉེར་ཁང་གི་སློབ་ཐོན་པ་རྣམས་ལ་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་གི་ཐུགས་བསྐྱེད་དམ་བཅའ་བཞི་སྟེ། འགྲོ་བ་མིའི་བཟང་སྤྱོད་གོང་སྤེལ་དང་། ཆོས་ལུགས་མཐུན་སྒྲིལ་གོང་སྤེལ།  བོད་ཀྱི་རིག་གཞུང་དང་ཁོར་ཡུག་སྲུང་སྐྱོབ། རྒྱ་གར་གནའ་རབས་ཀྱི་རིག་གཞུང་བསྐྱར་གསོ་བཅས་ཀྱི་སྐོར་གསུང་བཤད་གནང་ཡོད། 

སྐབས་དེར་གཙུག་ལག་སློབ་གཉེར་ཁང་དེའི་འགན་འཛིན་ལས་རོགས་སློབ་དཔོན་ཁི་རི་སི་ཊེན་ཇོན་སོན་ལགས་ཀྱིས་ངོ་སྤྲོད་དང་ཕེབས་བསུའི་གསུང་བཤད་གནང་ཡོད་པ་དང་། སློབ་དཔོན་ཐུབ་བསྟན་བསྟར་དར་ལགས་ཀྱིས་དྲི་བ་དྲིས་ལན་གྱི་ལས་རིམ་གཙོ་སྐྱོང་གནང་ཡོད་པ་བཅས། །