༄༅། །རྒྱ་ནག་གཞུང་གིས་རྫ་དབོན་པོའི་སྡེ་དགོན་གཉིས་སུ་དམག་མི་འབོར་ཆེན་བཏང་སྟེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་སྒྲིག་གཤོམ་བྱས་པའི་ཉེས་མིང་འོག་དགེ་འདུན་པ་ ༡༩ དང། མི་སྐྱ་ ༤༠ ཙམ་བཅས་ཁྱོན་སེར་སྐྱ་གྲངས་ ༦༠ ཙམ་འཛིན་བཟུང་བྱས་ཏེ་སེར་ཤུལ་རྫོང་དུ་ཁྲིད་ཡོད།
དེ་ཡང་ཟླ་འདིའི་ཕྱི་ཚེས་ ༢༢ ཉིན་རྫ་དབོན་པོ་དགོན་དུ་དམག་མི་ཕོན་ཆེན་འབྱོར་ཏེ་འདྲི་རྩད་སྔོག་བཤེར་བྱས་པ་བརྒྱུད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་སྒྲིག་གཤོམ་དང་སྐུ་པར་ཉར་ཚགས་བྱས་པའི་ཉེས་མིང་འོག་བློ་ལྡན་ཆུང་ལམ་དང་དཔལ་སྐྱབས། བསྟན་འཛིན་བློ་གསལ། པད་རྡོ། བློ་ཤེར། ཆོས་མཆོག དགའ་ལྡན། ཤེས་རབ། འཇམ་དཔལ། རྡ་ལོ། གཅོད་པ། བསོད་ནམས་དགའ་ལེགས། རྟ་མགྲིན་ནོར་བུ་སོགས་འཛིན་བཟུང་བཙན་འཁྲིད་བྱས་ཏེ་སེར་ཤུལ་རྫོང་དུ་ཁྲིད་ཡོད།
ཕྱི་ཚེས་ ༢༥ ཉིན་རྫ་དབོན་པོ་ཁུལ་དུ་རྒྱ་ནག་གཞུང་གིས་མི་མང་ཚོགས་འདུ་ཞིག་བསྐོངས་ཡོད་པ་དང་། ཚོགས་འདུ་དེར་ལོ་ན་བཅོ་བརྒྱད་ཡན་གྱི་མི་ཚང་མ་མཉམ་ཞུགས་དགོས་པའི་བཙན་བཀའ་བཏང་བ་དང་། གལ་ཏེ་ཚོགས་འདུར་མཉམ་ཞུགས་མ་བྱས་ཚེ་ཁྲིམས་ཆད་གཅད་རྒྱུ་ཡིན་པའི་འཇིགས་སྐུལ་ཡང་བྱས་ཡོད་པ་མ་ཟད། ཚོགས་ཐོག་དེར་བོད་མི་ཚོས་སྤྱི་ནོར་༧གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་སྒྲིག་གཤོམ་བྱེད་མི་ཆོག་པ་དང་། ཁ་པར་དང་བརྒྱུད་ལམ་ཁག་ནས་པར་དང་གནས་ཚུལ་རིགས་དྲིལ་བསྒྲགས་བྱེད་མི་ཆོག་པའི་ཉེན་བརྡ་ནན་པོ་བཏང་ཡོད།
རྫ་དབོན་པོ་ཡུལ་ཚོ་ནས་ཡིན་པའི་
