༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཕྱི་ལོ་ ༢༠༢༡ ཟླ་ ༧ ཚེས་ ༢༠ ཉིན་གྱི་སྔ་དྲོར་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་དྲ་ལམ་བརྒྱུད་སྐུ་ཚབ་དོན་གཅོད་རྣམ་པ་དང་ལྷན་ཚོགས་འདུ་ཞིག་བསྐོང་ཚོགས་གནང་ཡོད།
ཏོག་དབྱིབས་གཉན་རིམས་ཀྱིས་རྐྱེན་པས་ཕར་ཚུར་འགྲོ་འོང་གི་དཀའ་ངལ་ཡོད་སྟབས། ཚོགས་འདུ་དེ་བཞིན་ཕྱི་དྲིལ་ལས་ཁུངས་ཀྱི་གོ་སྒྲིག་འོག་དྲ་ལམ་བརྒྱུད་ཚོགས་ཡོད། ཐེངས་འདིའི་དྲ་ཐོག་གི་ཚོགས་འདུར་དཔལ་ལྡན་སྲིད་སྐྱོང་མཆོག་གིས་དབུས་སྐུ་ཚབ་དོན་གཅོད་རྣམ་པ་དང་། ཕྱི་འབྲེལ་དྲུང་ཆེ་ཀརྨ་ཆོས་དབྱངས་ལགས། དྲིལ་བསྒྲགས་དྲུང་ཆེ་འཆི་མེད་ཚེ་དབྱངས་ལགས། དྲུང་འཕར་བསྟན་འཛིན་ལེགས་བཤད་ལགས། ཟུང་དྲུང་བཀྲ་ཤིས་ཕུན་ཚོགས་ལགས། ཟུང་དྲུང་རྣམ་རྒྱལ་ཚེ་དབང་ལགས་བཅས་མཉམ་ཞུགས་གནང་ཡོད།
དེ་ཡང་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཚོགས་འདུ་དབུ་འབྱེད་གནང་སྟེ་སྐབས་ ༡༦ པའི་བཀའ་ཤག་གི་ལངས་ཕྱོགས་དང་སྲིད་བྱུས། དེ་བཞིན་སྐུ་ཚབ་དོན་གཅོད་རྣམ་པའི་ལས་དོན་གནང་ཕྱོགས་དང་འགན་ཁུར་སྐོར་གསུང་བཤད་གནང་ཡོད། གཞན་ཡང་དཔལ་ལྡན་སྲིད་སྐྱོང་མཆོག་གིས་བཀའ་ཤག་གི་མ་འོངས་པའི་ལས་གཞི་གལ་ཆེ་ཁག་དང་། བོད་ཀྱི་བདེན་མཐའ་གསལ་བར་བོད་རྒྱ་ཆེ་མི་མང་གིས་ནུས་པ་མཉམ་སྤུངས་གནང་དགོས་པའི་གལ་གནད་སོགས་ཀྱི་སྐོར་གསུངས་ཡོད་པ་བཅས།།
བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སྐུ་ཚབ་དོན་གཅོད་རྣམ་པ་དང་ལྷན་ཚོགས་འདུ་ཚོགས་གནང་བ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)