༄༅། །འདི་གར་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་ནས་བཏང་གནས་ནང་འཁོད་དོན། ཉེ་སྔོན་བལ་ཡུལ་གྱི་ས་གནས་མཱ་ནང་དུ་ཆར་ཞོད་ཆེ་བའི་རྐྱེན་གྱིས་གཙང་ཆུ་རྒྱས་ཏེ་ཆུ་ལོག་དང་ས་རུད་ཀྱི་འབྱུང་བའི་གོད་ཆག་ཅི་ཆེ་བྱུང་བའི་ཁྲོད་མཱ་ནང་དུ་གནས་སྡོད་བོད་མི་ཁག་གཅིག་ལའང་གོད་ཆག་གི་དཀའ་ངལ་འབྱུང་བཞིན་ཡོད་གནས་འབྲེལ་ཡོད་སྤོག་ར་བཀྲ་ཤིས་གླིང་ས་གནས་འགོ་འཛིན་ལས་ཁུངས་ནས་སྙན་གསེང་བྱུང་དོན་བཞིན་བོད་མི་རྣམས་ལ་ཆུ་ལོག་གི་གོད་ཆག་ཇི་བྱུང་རྟོག་ཞིབ་དང་། དེ་བཞིན་ཆུ་ལོག་གི་ངལ་སེལ་སླད་རོགས་དངུལ་དང་མཁོ་ཆས་རྣམས་དུས་ཐོག་ཁུངས་འགྲེམས་ཐུབ་སླད་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་ནས་འགྲོ་གྲོན་མཐུན་འགྱུར་སྦྱར་བའི་འོག་ཕྱི་ལོ་ ༢༠༢༡ ཟླ་ ༧ ཚེས་ ༡༤ རེས་གཟའ་ལྷག་པ་ཉིན་འབྲེལ་ཡོད་ས་འགོ་ལས་ཁུངས་ཀྱི་ལས་དྲུང་དང་། འཕྲོད་ལས་པ་གཉིས་བལ་ཡུལ་སྤོག་ར་ས་གནས་ནས་མཱ་ནང་དུ་ཐད་འཕུར་གནམ་གྲུའི་ནང་བསྐྱོད་དེ་ས་གནས་བོད་མི་རྣམས་དང་ཐུག་འཕྲད་ཞུས་ཏེ་ཆུ་ལོག་གི་གོད་ཆག་ཇི་བྱུང་རྟོག་ཞིབ་དང་། ངལ་སེལ་གྱི་རོགས་དངུལ་དང་མཁོ་ཆས་རྣམས་དུས་ཐོག་བགོ་འགྲེམས་ཞུས་ཐུབ་པ་བྱུང་བས་ས་གནས་བོད་མི་མང་ཚོགས་ལ་ཕན་ཐོགས་ཆེན་པོ་བྱུང་ཡོད་འདུག་པ་བཅས། །
