༄༅། །ཆེས་མཐོའི་ཁྲིམས་ཞིབ་ཁང་གི་དྲུང་ཆེ་ཤ་འབྲོང་བཀྲ་ཤིས་རྒྱ་མཚོ་ལགས་ཕྱི་ལོ་ ༢༠༢༡ ཟླ་ ༧ ཚེས་ ༡ རེས་གཟའ་ཕུར་བུའི་ཉིན་བཀའ་དྲུང་ཡིག་ཚང་གི་ཆབ་སྲིད་དྲུང་ཆེར་བསྐོ་གཞག་གནང་ཡོད། 

དེ་ཡང་ཤ་འབྲོང་བཀྲ་ཤིས་རྒྱ་མཚོ་ལགས་ནི། ཕྱི་ལོ་ ༡༩༩༣ ཟླ་ ༤ ཚེས་ ༩ ཉིན་དྲུང་གཞོན་གནས་རིམ་དུ་ཟླ་དྲུག་ཚོད་ལྟར་བསྐོ་གཞག་གིས་བདེ་སྲུང་བོད་གནས་ཉམས་ཞིབ་དུ་ལས་འགན་བཀོད་སྒྲིག་གནང་།   ཕྱི་ལོ་  ༡༩༩༤ ཟླ་ ༤  ཚེས་ ༢༦ ཉིན་ནས་ལས་བྱེད་ངོ་མར་བསྐོ་གཞག་གིས་ལས་འགན་རང་འཇགས།  ཕྱི་ལོ་ ༡༩༩༩ ཟླ་ ༢  ཚེས་ ༡༠ ཉིན་ནས་ཟུང་དྲུང་གནས་རིམ་དུ་གནས་སྤར་དང་འབྲེལ་ལས་འགན་རང་འཇགས།  

ཕྱི་ལོ་ ༢༠༠༡  ཟླ་  ༤ ཚེས་ ༣༠ ནས་ཟླ་གྲངས་བརྒྱད་རིང་གཞུང་འབྲེལ་སློབ་བསྐྱོད།  ཕྱི་ལོ་ ༢༠༠༢   ཟླ་ ༡  ཚེས་ ༢ ནས་ཉིན་གྲངས་ ༦༢ རིང་ཕོགས་མེད་དགོངས་ཞུ།  ཕྱི་ལོ་ ༢༠༠༢  ཟླ་ ༧ ཚེས་ ༢༢ ནས་བདེ་སྲུང་ལས་ཁུངས་སུ་ལས་འགན་བཀོད་སྒྲིག་གནང་།   ཕྱི་ལོ་ ༢༠༠༤  ཟླ་ ༡༢  ཚེས་ ༡༢ ནས་ཕྱི་དྲིལ་ཁྱབ་ཁོངས་རྒྱ་ནག་གི་བཙན་གནོན་འོག་བོད་མི་འབུམ་བཅུ་གཉིས་འདས་གྲོངས་སུ་ཕྱིན་པའི་ཞིབ་འཇུག་ལས་གཞིར་གནས་སྤོས།  ཕྱི་ལོ་ ༢༠༠༧  ཟླ་ ༦   ཚེས་  ༡༡  ནས་དྲུང་འཕར་གནས་རིམ་དུ་གནས་སྤར།   ཕྱི་ལོ་ ༢༠༠༨  ཟླ་ ༩  ཚེས་ ༡ ནས་བཀའ་ཡིག་ཁྱབ་ཁོངས་ངེས་མེད་སྡེ་ཚན་དུ་གནས་སྤོས་གནང་།   

ཕྱི་ལོ་ ༢༠༡༠  ཟླ་ ༡༠  ཚེས་ ༡༡ ནས་ཚོགས་དྲུང་ལས་ཁུངས་སུ་གནས་སྤོས། ཕྱི་ལོ་ ༢༠༡༢ ཟླ་ ༢  ཚེས་ ༣ ནས་དྲུང་ཡིག་ཆེན་མོའི་གནས་རིམ་དུ་གནས་སྤར་གྱིས་ཁྲིམས་དྲུང་དུ་གནས་སྤོས། ཕྱི་ལོ་ ༢༠༢༡ ཟླ་ ༧ ཚེས་ ༡ ཉིན་ནས་བོད་མིའི་སྒྲིག་འཛུགས་བཀའ་དྲུང་ཡིག་ཚང་གི་ཆབ་སྲིད་དྲུང་ཆེར་བསྐོ་གཞག་གནང་ཡོད་པ་བཅས། །