༢༠༡༡ ཟླ་ ༨ ཚེས་ ༧ རེས་གཟའ་སྤེན་པ།
༄༅། །བོད་མིའི་འདི་ཕྱི་གཉིས་ཀྱི་སྐྱབས་གནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༢༠༡༡ ཟླ་ ༨ ཚེས་ ༉༡༣ ནས་ ༢༠ བར་ཡུ་རོབ་ཀྱི་རྒྱལ་ཁབ་ཁག་ལྔའི་ནང་ཆིབས༌སྒྱུར་བསྐྱང་གཏན་འཁེལ་ཡོད་ཁོངས་ནས་མགོན་པོ་གང་ཉིད་མཆོག་(Estonia)ཨིསི་ཊོ་ནི་ཡར་ཆིབས་སྒྱུར་སྐྱོང་སྐབས་ཁུལ་དེར་ཆིབས་སྒྱུར་གོ་སྒྲིག་པ་དང་ནང་པའི་ཆོས་ཚོགས་ཀྱི་ཚོགས་གཙོ་སེ་པན་གྷུ་པོབ་མཆོག་གིས་ཨིསི་ཊོ་ནི་ཡའི་གཞུང་ཕྱོགས་ནས་རྒྱ་ནག་གཞུང་ལ་དོ་ཕོག་མི་ཡོང་ངམ་སྙམ་པའི་དོགས་པ་དང་རྣམ་རྟོག་དོར་ཏེ་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ལ་མཇལ་འཕྲད་ཞུས་དགོས། གང་ལ་ཞེ་ན། ཨིསི་ཊོ་ནི་ཡའི་རྒྱལ་ཁབ་དེ་བཞིན་བཟང་སྤྱོད་ཀྱི་རིན་ཐང་ལ་ཆེ་མཐོང་དང་གུས་བཀུར་ཞུ་མཁན་ཞིག་ཡིན་པ་ལྟར། ༸གོང་ས་ཏཱ་ལའི་བླ་མ་མཆོག་ནི་འཛམ་གླིང་ནང་བཟང་སྤྱོད་ཀྱི་རིན་ཐང་གོང་འཕེལ་གཏོང་གནང་མཛད་མཁན་གྱི་མཚོན་རྟགས་ལྟ་བུར་གྱུར་ཡོད། ཅེས་གསུངས་ཡོད། དེ་བཞིན་༸གོང་ས་མཆོག་གིས་ཁུལ་དེའི་རང་དབང་ལྷ་མོའི་སྣང་བརྙན་གྱི་མདུན་ཐང་དུ་དད་ལྡན་མང་ཚོགས་ལ་ཕྱི་ཚེས་ ༡༧ ཉིན་འཇིག་རྟེན་ཀུན་ཁྱབ་གྱི་འགན་ཁུར་ཞེས་པའི་བརྗོད་གཞིའི་ཐོག་བཀའ་སློབ་སྩལ་རྒྱུ་ཡིན་འདུག
ད་རེས་མགོན་པོ་གང་ཉིད་མཆོག་རྒྱལ་ཁབ་དེའི་ནང་ཆིབས་སྒྱུར་བསྐྱང་ཐེངས་གསུམ་པ་དེ་ཆགས་ཀྱི་ཡོད།
གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གིས་ཡུ་རོབ་རྒྱལ་ཁབ་ཕ་རན་སི་(France)དང་། ཨིསི་ཊོ་ནི་ཡའི་(Estonia) ཕིན་ལན་ཌེ་(Finland) སུད་སི་(Swiss) ཇར་མན་(Germany)བཅས་ནང་ཆིབས་སྒྱུར་བསྐྱང་གཏན་འཁེལ་ཡོད་འདུག་པ་བཅས། །