༢༠༡༡ ཟླ་ ༧ ཚེས་ ༧ རེས་གཟའ་ཕུར་བུ།

༸གོང་ས་མཆོག་དང་མེས་པོ་དམ་གྷན་དྷིའི་ཚ་བོ། མར་ཊིན་ལུ་ཐར་ཀིང་དམ་པ་མཆོག་གི་སྲས་ཐ་ཆུང་ལྷན་རྒྱས། པར་ལེན་པ་བསྟན་འཛིན་ཆོས་འབྱོར།

༄༅། །ཕྱི་ལོ་ ༢༠༡༡ ཟླ་ ༧ ཚེས་ ༦ རེས་གཟའ་ལྷག་པའི་ཉིན་ཨ་རིའི་རྒྱལ་ས་ཝ་ཤིང་ཊོན་དུ་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༧༦ ཕེབས་པའི་སྐུའི་འཁྲུངས་སྐར་དུས་ཆེན་གཟབ་རྒྱས་ངང་སྲུང་བརྩི་ཞུས་ཡོད། དེ་ཡང་སྔ་དྲོ་ཐོག་མར་མགོན་པོ་གང་ཉིད་མཆོག་དཔལ་དུས་ཀྱི་འཁོར་ལོའི་བཀའ་དབང་སྩལ་ཡུལ་གྱི་ཝ་རི་ཛོན་ཚོགས་ཁང་ཆེན་མོའི་ནང་ (Verizon Center) ཆིབས་སྒྱུར་སྐྱོང་སྐབས་བྱང༌རིའི་བོད་རིགས་ཚོགས་པས་ཕེབས་བསུ་གཟབ༌རྒྱས་ཞུས་རྗེས་༸གོང་ས་མཆོག་གིས་ དཔལ་དུས་ཀྱི་འཁོར་ལོའི་དབང་ཆེན་གྱི་སྒྲུབ་བཞག་མཛད། དེ་ནས་མགོན་པོ་གང་ཉིད་མཆོག་གིས་དཔལ་དུས་ཀྱི་འཁོར་ལོའི་དབང་ཆེན་དེ་ཐོག་མར་ ཕྱི་ལོ་ ༡༩༥༤ ལོར་ཕོ་བྲང་པོ་ཏཱ་ལར་སྐྱབས་རྗེ་ཡོངས་འཛིན་གླིང་རིན་པོ་ཆེ་མཆོག་གི་སྐུ་དྲུང་ནས་ཞུས་གནང་མཛད་རྗེས་༸གོང་ས་མཆོག་གིས་བོད་ནང་དུས་འཁོར་དབང་ཆེན་ཐེངས་གཉིས་སྩལ་ཡོད་པ་དང་། བཙན་བྱོལ་དུ་༸ཞབས་སོར་འཁོད་མཚམས་ཐོག་མར་ཕྱི་ལོ་ ༡༩༧༠ ལོར་རྡ་རམ་ས་ལར་དུས་འཁོར་དབང་ཆེན་ཐོག་མར་སྩལ་གནང་མཛད་ནས་ད་བར་ཐེངས་ ༣༠ ཙམ་སྩལ་ཟིན་སྐོར་བཀའ་སྩལ།

དེ་རྗེས་ཚོགས་ཁང་དེ་རང་དུ་སྐུའི་འཁྲུངས་སྐར་གྱི་མཛད་སྒོ་སྔ་ དྲོའི་ཆུ་ཚོད་ ༡༠ ཐོག་དབུ་འཛུགས་ཀྱིས་མི་གྲངས་ཁྱོན་ ༦༠༠༠ བརྒལ་བ་ཝ་རི་ཛོན་ཚོགས་ཁང་ཆེན་མོའི་ནང་འདུ་འཛོམས་ཀྱི་དབུས་སུ་ཨ་རི་སྐུ་ཚབ་དོན་གཅོད་ཁང་གི་གོ་སྒྲིག་འོག་༸གོང་ས་མཆོག་ཕྱི་ལུགས་ལྟར་དགུང་གྲངས་ ༧༦ ཕེབས་པའི་སྐུའི་འཁྲུངས་སྐར་གྱི་དགའ་སྟོན་རྟེན་འབྲེལ་མཛད་སྒོའི་ཚོགས་མགོན་དུ་མེས་པོ་

དམ་པ་གྷན་ངྷའི་ཚ་བོ་དང་མར་ཊིན་ལུར་ཐར་ཀིང་མཆོག་གི་བུ་དང་ལྷན་ཆིབས་སྒྱུར་བསྐྱངས། འཁྲུངས་སྐར་མཛད་སྒོའི་ཐོག་མར་བྱང་ཨ་རིའི་རྒྱལ་སིའི་བོད་

༸གོང་ས་མཆོག་ལ་སོག་རིགས་སོགས་ཀྱིས་འཚམས་འདྲིའི་ མཇལ་དར་འབུལ་ལམ་ཞུ་བཞིན་པ།

རིགས་སློབ་ཕྲུག་ རྣམས་ནས་ཕེབས་བསུའི་བསྟོད་པའི་གླུ་དབྱངས་ཞེས་པའི་མཉམ་བཞས་གཟིགས་འབུལ་ཞུས། ཐེངས་འདིའི་ཨ་རིའི་རྒྱལ་སར་སྲུང་བརྩི་ཞུ་བཞིན་པའི་༸གོང་ས་མཆོག་གི་སྐུའི་ འཁྲུངས་སྐར་གྱི་མཛད་སྒོའི་སྐུ་མགྲོན་གཙོ་བོ་གཞན་གཉིས་ནི་མེས་པོ་དམ་པ་གྷན་ངྷིའི་ཚ་བོ་སྐུ་ཞབས་ཨ་རུན་གྷན་ངྷི་མཆོག་(Arun Gandhi) དང་བྱང་ཨ་རིའི་མི་རིགས་ནག་པོའི་ སྤྱི་དམངས་ཐོབ་ཐང་རྩོད་ལེན་པ་སྐུ་ཞབས་མར་ཊིན་ལུ་ཐར་ཀིང་དམ་པ་མཆོག་གི་སྲས་ ཐ་ཆུང་སྐུ་ཞབས་(Dr. Martin Luthar King, Jr.) མཆོག་ཡིན་འདུག སྐབས་དེར་མཛད་སྒོའི་གཙོ་སྐྱོང་བ་རྒྱལ་སྤྱིའི་བོད་དོན་ལས་འགུལ་ཁང་གི་ལས་ བྱེད་སྲས་མོ་བསྟན་ཆོས་ལགས་ཀྱིས་མཛད་སྒོ་དང་སྐུ་མགྲོན་རྣམས་མང་ཚོགས་ལ་རེ་རེ་ བཞིན་ངོ་སྤྲོད་གནང་། དེ་ནས་སོག་རིགས་དང་རྒྱ་རིགས། ཝི་ཏི་ནམ། འབར་མ། རྒྱ་གར་བ། བོད་རིགས། ཨ་རི་བ། ཉི་ཧོང་བ། འབྲུག་པ། ཧི་མཱ་ལའི་རི་རྒྱུད་ཀྱི་སྐུ་ཚབ། བལ་པོ་སོགས་ཀྱི་སྐུ་ཚབ་རྣམས་ཀྱིས་༸གོང་ས་མཆོག་ལ་བཀྲིས་མཇལ་དར་ཕུལ་ཏེ་སྐུའི་ འཁྲུངས་སྐར་ལ་བཀྲིས་བདེ་ལེགས་ཞུས། དེ་རྗེས་སྐུ་མགྲོན་ཨ་རུན་གྷན་ངྷི་མཆོག་དང་མར་ཊིན་ལུ་ཐར་ཀིང་རྣམ་གཉིས་ཀྱིས་ སྐུའི་འཁྲུངས་སྐར་མཛད་སྒོ་དང་འབྲེལ་བའི་གསུང་བཤད་གནང་གྲུབ་བསྟུན། ལྷོ་ཨ་ཕི་རི་ཁའི་ཡེ་ཤུ་ཆོས་དཔོན་ཌེ་སི་མོན་ཊུ་ཊུ་མཆོག་གིས་༸གོང་ས་མཆོ་ལ་ བརྙན་འཕྲིན་ལམ་ནས་འཚམས་འདྲི་ཞུས་རྗེས་མགོན་པོ་གང་ཉིད་མཆོག་གིས་བཀའ་སློབ་ སྩལ་དོན། བཙན་བྱོལ་ལ་ཡོད་པའི་བོད་རིགས་སྤུན་ཟླ་ཚོ་དང། གཞིས་ལུས་རྒྱ་ཆེའི་མི་མང་ད་ལྟ་ལུས་པོ་གཞན་དབང་གི་འོག་རང་དབང་བྲལ་ཏེ་ཡོད་ ནའང་། ནང་བསམ་བློ་དེ་ང་ཚོ་གངས་ཅན་པ་ཟེར་བའི་བསམ་བློའི་རྦ་རླབས་འཕྱུར་བཞིན་ཡོད་མཁན་གཞིས་ལུས་རྒྱ་ཆེའི་མི་མང་ཚང་མར་དེ་རིང་ངོས་ཀྱི་སྐྱེས་སྐར་གྱི་ཉིན་མོ་ དྲན་གསོ་བྱེད་ཀྱི་ཡོད། ཐུགས་རྗེ་ཆེ་ཞུ་གི་ཡིན།

དམིགས་བསལ་གྱི་འཚམས་འདྲི་ཡོད། གཙོ་ཆེ་ཤོས་ང་རང་ཚོ་བོད་རིགས་སྤྱི་བོ་གནམ་བསྟན་ཡོངས་སུ་རྫོགས་པའི་སྔར་ཆོས་ རྒྱལ་བཀའ་དྲིན་ཅན་རྣམས་ཀྱི་དུས་ནས་བོད་ལ་ཐུན་མོང་མིན་པའི་ཡི་གེ་དང་བོད་སྐད་ ཡོད། བོད་ཀྱི་སྐད་ཡིག་ཐོག་དེང་སང་འཛམ་གླིང་འདིའི་ནང་

སངས་རྒྱས་པའི་ཆོས་ཐེག་པ་ཆེ་ ཆུང་སྔགས་དང་བཅས་པར་དོ་སྣང་བྱེད་ཀྱི་ཡོད། མདོར་ན་དེང་སང་ཚན་རིག་པའི་ནང་ལའང་སངས་རྒྱས་པའི་མདོ་བསྟན་བཅོས་ཀྱི་ནང་གསུངས་ པའི་སེམས་ཀྱི་རྣམ་གཞག་གི་ཐོག་དམིགས་བསལ་གྱི་དོ་སྣང་དང་དེ་ནས་ཚུར་གནད་འགག་ བསླབ་རྒྱུ་སོགས་དོ་སྣང་གསར་པ་བྱེད་ཀྱི་ཡོད་ཅེས་སོགས་ཀྱི་བཀའ་སློབ་སྩལ་གྲུབ་ བསྟུན།

དེ་རྗེས་འཇིག་རྟེན་མིག་དཔེ་ཞེས་པའི་༸གོང་ས་མཆོག་གི་མཛད་རྣམ་དཔར་ དེབ་གཅིག་དབུ་འབྱེད་ཀྱིས་སྐུ་མགྲོན་རྣམ་གཉིས་ལ་རེ་རེ་ཕུལ། དེ་ནས་རྒྱལ་ས་ཝ་ཤིང་ཊོན་བོད་རིགས་ཚོགས་པའི་ཚོགས་གཙོ་སྐུ་ཞབས་སྐལ་ལྡན་བློ་ གྲོས་ལགས་ཀྱིས་ཐེངས་འདིའི་དུས་འཁོར་དབང་ཆེན་སྐབས་རྒྱལ་ཁབ་འདྲ་མིན་ ༤༨ ཙམ་ནས་ཆོ་ཞུར་བཅར་ཡོད་སྐོར་དང་ཨ་རིའི་སྲིད་གཞུང་གི་གཙོས་བོད་དོན་རྒྱབ་ སྐྱོར་གནང་མཁན་རྒྱལ་ཁབ་ཚང་མའི་སྲིད་གཞུང་ལ་བོད་མི་ཚང་མའི་ཚབ་ཞུས་ཏེ་ཐུགས་ རྗེ་ཆེ་ཞུས། མཐར་བྱང་ཨ་རིའི་སྐུ་ཚབ་དོན་གཅོད་བཀའ་ཟུར་བློ་བཟང་སྙན་གྲགས་ལགས་ཀྱིས་ཐུགས་ རྗེ་ཆེ་ཞུའི་གསུང་བཤད་གནང་སྟེ་མཛད་སྒོ་གཟབ་རྒྱས་ངང་སྲུང་བརྩི་ཞུས་ཡོད་པ་ བཅས།།