༡། ཕྱི་ལོ་ ༢༠༢༠ ཟླ་ ༣ ཚེས་ ༡༥ ཉིན་ནས་བཟུང་ས་གནས་ཁག་གི་རྒས་གསོ་ཁང་ནང་ཕྱི་མི་འཛུལ་མི་ཆོག་པ་དང་། རྒས་འཁོགས་རྣམས་རྒས་གསོ་ཁང་ནས་ཕྱིར་བསྐྱོད་མི་ཆོག་སྐོར་ཁུངས་ཁྱབ་སོང་བ་དང༌། རྒྱལ་སྒོ་ཁག་ཏུ་ཕྱི་མི་འཛུལ་མི་ཆོག་པའི་གསལ་བསྒྲགས་སྦྱར་ཡོད།
༢། རྒས་འཁོགས་རྣམས་ལ་ཁ་རས་བགོ་འགྲེམ་དང་རྒས་འཁོགས་ཕན་ཚུན་འབྲེལ་བ་གནང་སྐབས་བར་ཐག་ Social Distancing བཞག་དགོས་པ་ལྟར་ལག་སྟར་གནང་མུས་ཡིན་པ་དང་། རྒས་གསོ་ཁང་གི་ནང་དུ་གཙང་བཟོ་དང་།  Sanitize ལག་སྲིན་སེལ་བྱེད་ Hand Sanitize མཐུན་རྐྱེན་སྦྱར་ཡོད།
 ༣། རྒས་འཁོགས་རྣམས་ལ་ཉིན་ལྟར་ཚ་བ་ཡོད་མེད་བརྟག་དཔྱད་དང་། ཏོག་དབྱིབས་གཉན་རིམས་སྐོར་དུས་ནས་དུས་སུ་གོ་རྟོགས་སྤེལ་དང་སྤེལ་མུས་ཐོག་སྔོན་འགོག་ཆེད་གཙང་འཕྲོད་བྱེད་ཕྱོགས་ལམ་སྟོན་ཞུ་བཞིན་ཡོད།
༤། རྒས་འཁོགས་རྣམས་ལུས་སེམས་བདེ་གནས་ཡོང་ཆེད་༸གོང་ས་མཆོག་གི་གསུང་ཆོས་དང་། བཀའ་སློབ་གསན་རྒྱུའི་མཐུན་རྐྱེན་བསྐྲུན་ཡོད་པ་མ་ཟད། བརྙན་འཕྲིན་ལམ་ནས་བོད་ཀྱི་སྲོལ་རྒྱུན་གཞས་སྣ་གཟིགས་འབུལ་ཞུ་བཞིན་ཡོད།་  ༥། རྒས་འཁོགས་རྣམས་ཕྱིར་བསྐྱོད་མི་དགོས་པ་གཙོ་དོན་ཐོག་རྒས་གསོ་ཁང་གི་གཉེར་པས་རྒས་འཁོགས་རྣམས་ལ་རྩག་རྩིག་ཅ་དངོས་རིགས་དགོས་མཁོ་ཡོད་ཚེ་ཐོ་གཞུང་ལྟར་མཁོ་སྒྲུབ་མཐུན་འགྱུར་ཞུ་མུས།  
༦། རྒས་གསོ་ཁང་ཕལ་ཆེ་བའི་ནང་ཚོགས་སྡེ་ཁག་དང་ས་གནས་སོ་སོའི་གཞིས་གྲོང་ཁག་གི་ན་གཞོན་རྣམས་ནས་དང་བླངས་ཐོག་རྒས་གསོའི་གཡས་གཡོན་དང་རྒས་འཁོགས་རྣམས་ཀྱི་སྡོད་ཁང་སོགས་དུག་སེལ་འབུ་སྨན་རྒྱབ་སྟེ་གཙང་བཟོ་ཞུ་བཞིན་པ་དང་རྒས་འཁོགས་རྣམས་ཀྱི་དབུ་སྐྲ་བཞར་བ་དང་སེན་མོ་བྲེགས་པ་སོགས་གནང་མུས་རེད།
༧། རྒས་འཁོགས་རྣམས་ཀྱི་ལུས་སེམས་བདེ་གནས་ཡོང་ཆེད་གནངས་ཆག་རྩེད་རིགས་འདྲ་མིན་དང་བོད་ཀྱི་སྲོལ་རྒྱུན་སྒོར་གཞས་བཅས་གོ་སྒྲིག་ཞུ་བཞིན་ཡོད།
༨། རྒས་འཁོགས་རྣམས་ཉོབ་སྣང་མི་ཡོང་ཆེད་ཁོར་ཡུག་གཙང་བཟོ་དང་ཞལ་ལག་བཟོ་རྒྱུ། དེ་བཞིན་ལས་ཀ་རྩག་རྩིག་རིགས་སྐུལ་གནང་གིས་གང་ལྟར་དུས་ཚོད་མི་འཁྱོལ་བའི་དཀའ་ངལ་མི་འཕྲད་ཆེད་ཐབས་ལམ་འདྲ་མིན་བྱེད་བཞིན་ ཡོད།
༡༠། རྒས་འཁོགས་ཕན་ཚུན་བར་ཐག་འཇོག་གནང་ Social Distancing གིས་ནམ་རྒྱུན་ལྟར་སྔ་དགོང་ཞལ་འདོན་དང་དམིགས་བསལ་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱིས་བཀའ་དགོངས་ལྟར་ཞབས་བརྟན་གསོག་གྲུབ་ཞུས་མུས་ཡིན་པ་བཅས། །