༢༠༢༠ ཟླ་ ༡ ཚེས་ ༤ རེས་གཟའ་སྤེན་པ།
![](https://www.bod.asia/wp-content/uploads/2020/01/frm-lft-SO-DORJEE-TSERIGCM-P-S-GOLAYAGYA-LOBSANG-493x370.jpg)
དེ་ཡང་ར་ལང་ས་གནས་སུ་ལོ་གསར་གྱི་མཛད་སྒོ་ཞིག་དང་སྟབས་བསྟུན། ས་གནས་འགོ་འཛིན་རྡོ་རྗེ་ཚེ་རིང་ལགས་ཀྱིས་བློན་ཆེན་མཆོག་དང་མཇལ་ནས་ཁོང་དེ་སྔ་བཞུགས་སྒར་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་མཇལ་བཅར་ཞུས་པའི་སྐུ་པར་ལྷན་སྒྲོན་གྱི་པར་སྒྲོམ་ཞིག་ཕྱག་ཏུ་ཕུལ་བར་བློན་ཆེན་མཆོག་ཧ་ཅང་མཉེས་པོ་འབྱུང་འདུག
ས་གནས་འགོ་འཛིན་ནས་སྐབས་དེར་བློན་ཆེན་མཆོག་ལ་ར་བང་ལ་ས་གནས་བོད་མི་སྐྱབས་བཅོལ་བ་ཚོར་དཀའ་ངལ་ཇི་ལྟར་འཕྲད་བཞིན་པ་ཙམ་མ་ཟད། དཀའ་ངལ་དེ་དག་སེལ་རྒྱུའི་ལས་འཆར་ཁག་ཀྱང་བློན་ཆེན་མཆོག་ལ་ཕུལ་བར་ བློན་ཆེན་མཆོག་ནས་ལས་འཆར་ལ་ཐུགས་ཞིབ་ཀྱིས་བོད་མིའི་དཀའ་སེལ་སླད་རོགས་རམ་གང་ཐུབ་གནང་རྒྱུའི་ཞལ་བཞེས་བཟང་པོ་ཐོབ་ཡོད་འདུག
དེ་ཡང་སྦས་ཡུལ་འབྲས་མོ་ལྗོངས་ཀྱི་མངའ་སྡེའི་སྤྱི་ཁྱབ་བློན་ཆེན་མཆོག་ཕྱི་ལོ་ ༢༠༡༩ ཟླ་ ༡༡ ཚེས་ ༦ ཉིན་བཞུགས་སྒར་དུ་ཕེབས་སྐབས་བོད་མིའི་སྒྲིག་འཛུགས་བཀའ་ཤག་གིས་གསོལ་སྟོན་བཤམས་པ་དང་། ཕྱི་ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་མཇལ་བཅར་ཞུས་ཡོད་པ་བཅས།།