༢༠༡༡ ཟླ་ ༥ ཚེས་ ༩ རེས་གཟའ་ཟླ་བ།
༄༅། །ཕྱི་ལོ་ ༢༠༡༡ ཟླ་ ༥ ཚེས་ ༨ ཉིན་མི་ནི་སོ་ཊ་ས་གནས་བོད་རིགས་ཚོགས་པས་ཇི་ལྟར་གསོལ་འདེབས་ཞུས་དོན་བཞིན་བཀའ་བཞེས་བཟང་པོ་སྨིན་སྩལ་གྱིས་ཨ་རིའི་མངའ་སྡེ་མི་ནི་སོ་ཊའི་ནང་མ་རིའོ་ཁི་ཨེ་རི་ན་ཞེས་པའི་ས་གནས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་མང་ཚོགས་གྲངས་ ༦༠༠༠ ཙམ་ལ་སྨན་བླའི་བཀའ་དབང་སྐབས་ཐོག་མར་བཀའ་སློབ་སྩལ་དོན། སྡུག་བསྔལ་གྱི་རྒྱུ་གཙོ་བོ་དེ་རང་གཅེས་འཛིན་གྱི་བློ་ཤུགས་ཆེ་དྲགས་པ་ལ་བརྟེན་ནས་ཡོང་གི་ཡོད། ནང་ཆོས་གཤའ་་མ་ཉམས་ལེན་བྱེད་མཁན་ཞིག་ཡིན་ཕྱིན་ཆད་ལུས་དང་ཚོར་བ། ཡིད། ཆོས་དྲན་པ་ཉེ་བར་བཞག་པ་བཅས་དྲན་པ་ཉེར་བཞག་བཞིར་རྟག་ཏུ་དོ་སྣང་བྱས་ཏེ་སྒོམ་དགོས། སྨོན་ལམ་བརྒྱབ་པ་ཙམ་གྱིས་ཞི་བདེ་བསྒྲུབ་མི་ཐུབ། ཞི་བདེ་ཡོང་བར་འབད་བརྩོན་དགོས། ངོས་ཀྱིས་སྨན་བླའི་བཀའ་དབང་དེ་བཞིན་སྟག་བྲག་རིན་པོ་ཆེ་དང་༸སྐྱབས་རྗེ་ཁྲི་བྱང་རིན་པོ་ཆེ་མཆོག་ནས་ཞུས་ཡོད་ཅེས་སོགས་བཀའ་སློབ་སྩལ་ཏེ་སྨན་བླའི་བཀའ་དབང་གི་བཀའ་ཆོས་སྩལ།།