༡༠༡༡ ཟླ་ ༤ ཚེས་ ༢༧ རེས་གཟའ་ལྷག་པ།
༄༅། །ཕྱི་ལོ་ ༢༠༡༡ ཟླ་ ༤ ཚེས་ ༢༧ རེས་གཟའ་ལྷག་པའི་ཉིན་རྒྱབ་ཆུ་ཚོད་ ༡༢ ཡོལ་ཙམ་ལ་༸གོང་ས་༸སྐྱབས་མགོན་ཆེན་པོ་མཆོག་རྡ་ས་བཞུགས་སྒར་ཕོ་བྲང་ནས་ག་གྷལ་གནམ་ཐང་དུ་ཆིབས་སྒྱུར་སྐྱོང་སྐབས་དད་ལྡན་སེར་སྐྱ་མང་ཚོགས་ཀྱིས་ལག་ཏུ་མཇལ་དར་ཐོགས་ཏེ་ཕེབས་སྐྱེལ་ཞུས་ཡོད། ག་གྷལ་ནས་མཁའ་ལམ་བརྒྱུད་ལྡི་ལི་དང་།  དེ་ཉིན་གྱི་ཕྱི་དྲོ་ཙམ་ལ་ལྡི་ལི་ནས་ཉི་ཧོང་གི་རྒྱལ་ས་ཊོཀ་ཁྱོར་ཆིབས་སྒྱུར་བསྐྱང་རྒྱུ་ཡིན་འདུག   དེ་ཡང་མགོན་པོ་གང་ཉིད་མཆོག་གིས་ཉི་ཧོང་དུ་མཛད་འཕྲིན་གཙོ་བོ་ནི་ཉི་ཧོང་དུ་ས་ཡོམ་གྱི་ཤུགས་རྐྱེན་འོག་མཚོ་རླབས་ཤུགས་ཆེ་བརྒྱབ་སྟེ་མི་ནོར་ཕྱུགས་གསུམ་ལ་བསམ་ཡུལ་ལས་འདས་པའི་གནོད་འཚེ་བྱུང་སྟེ་ཞག་ཞེ་དགུ་འཁོར་བའི་ཉིན་མོར་འབྱུང་བའི་གོད་ཆག་འོག་རྐྱེན་འདས་ཕྱིན་པ་རྣམས་ལ་ཐུགས་སྨོན་དང་རྗེས་ཤུལ་ནང་མི་སྤུན་མཆེད་ཚོར་གདུང་སེམས་མཉམ་སྐྱེའི་བཀའ་སློབ་སྩལ་གནང་མཛད་རྒྱུ་ཡིན་འདུག་པ་བཅས།།