ཕྱི་ལོ་ ༢༠༡༩ ཟླ་ ༥ ཚེས་ ༢༧ རེས་གཟའ་ཟླ་བ།
༄༅། །ཕྱི་ལོ་ ༢༠༡༩ ཟླ་ ༥ ཚེས་ ༢༧ ནས་ཟླ་ ༦ ཚེས་ ༡ བར་ཉིན་གྲངས་ ༦ རིང་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་གོ་སྒྲིག་འོག་རྡ་ས་ཉེ་འགྲམ་དུ་ཡོད་པའི་འཛིན་སྐྱོང་སྦྱོང་བརྡར་དང་བདེ་དོན་ཚོགས་པའི་ཐུ་མི་ཚོགས་ཁང་དུ་སློབ་གྲྭའི་འགན་འཛིན་རྣམས་ལ་དགེ་རྒན་གྱི་ཆེད་ལས་ཡར་རྒྱས་དང་འགོ་ཁྲིད་ཟབ་སྦྱོང་འགོ་འཛུགས་ཀྱི་མཛད་སྒོ་ཞིག་ཚོགས་གནང་སོང་།
དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༡༥ ཐོག་སྐུ་མགྲོན་གཙོ་བོ་ཤེས་རིག་བཀའ་བློན་པདྨ་དབྱངས་ཅན་མཆོག་དང་། ཤེས་རིག་ལས་ཁུངས་ཀྱི་དེང་སྲོལ་ཚན་པའི་འགན་འཛིན་བསྟན་འཛིན་རྡོ་རྗེ་ལགས། སཾམ་བྷོ་ཊ་བོད་སློབ་ཁྱབ་ཁོངས་སློབ་གྲྭ་ཁག་གི་སློབ་སྤྱི་དང་དགེ་ཆེ་གྲངས་ ༡༩ དང་། རྡ་ས་བོད་ཁྱིམ་ཁྱབ་ཁོངས་ནས་སློབ་སྤྱི་གྲངས་ ༦ ། མ་སུ་རི་བོད་ཁྱིམ་ཁྱབ་ཁོངས་ནས་སློབ་སྤྱི་གྲངས་ ༤ བཅས་ཁྱོན་མི་གྲངས་ ༢༩ ཐམ་པ་ཚང་འཛོམས་ཀྱིས་ཐོག་མར་ཤེས་རིག་དེང་སྲོོལ་ཚན་པའི་འགན་འཛིན་བསྟན་འཛིན་རྡོ་རྗེ་ལགས་ཀྱིས་ཟབ་སྦྱོང་སྐོར་ངོ་སྤྲོད་མདོར་བསྡུས་ཤིག་གནང་གྲུབ་མཚམས་སྐུ་མགྲོན་གཙོ་བོ་ཤེས་རིག་བཀའ་བློན་མཆོག་གིས་གསུང་བཤད་གནང་དོན། ཐོག་མར་ཕྱོགས་མཐའ་ཁག་འདྲ་མིན་ནས་ཕེབས་པའི་སློབ་གྲྭའི་སློབ་སྤྱི་དང་དགེ་ཆེ་རྣམས་ལ་འཚམས་འདྲིའི་བཀྲ་ཤིས་བདེ་ལེགས་ཞུ་རྒྱུ་ཡིན།
ཐེངས་འདིའི་ཟབ་སྦྱོང་ནི། སློབ་གྲྭའི་འགན་འཛིན་རྣམས་ལ་དགེ་རྒན་གྱི་ཆེད་ལས་ཡར་རྒྱས་གཏོང་ཕྱོགས་དང་ཤེས་ཡོན་བསྟི་གནས་ཀྱི་འགོ་ཁྲིད་ཇི་ལྟར་དགོས་སྐོར་སོགས་ཀྱི་ཐོག་ལ་རེད། སློབ་གྲྭའི་འཛིན་སྐྱོང་ཚགས་ཚུད་ངང་ཤེས་ཡོན་གྱི་སྤུས་ཚད་ལྡན་པ་དང་། ཁོར་ཡུག་བཟང་པོ་བསྐྲུན་ཐུབ་པ་བྱེད་རྒྱུ་ནི་སློབ་གྲྭའི་འགོ་ཁྲིད་སློབ་སྤྱིའམ་དགེ་ཆེ་རྣམས་ཀྱི་ལས་འགན་གཅོ་བོ་ཞིག་ཆགས་ཡོད། སློབ་ཕྲུག་རྣམས་ལ་ཤེས་ཡོན་སྤུས་ཚད་ལྡན་པ་ཞིག་སྐྲུན་མཁན་ནི་དགེ་རྒན་ཆགས་བཞིན་ཡོད། དེ་ནས་རིམ་བཞིན་སློབ་སྤྱི་དང་དགེ་ཆེ་རྣམས་ཆགས་ཀྱི་ཡོད། སྤྱིར་སློབ་གྲྭའི་ནང་འགན་གལ་ཆེ་ཤོས་གཉིས་ནི། སློབ་ཁྲིད་དང་སློབ་གཉེར་ཡིན། དེ་གཉིས་སློབ་གྲྭའི་ནང་ཇི་ལྟར་སྟངས་འཛིན་བྱེད་དགོས་པ་སློབ་གྲྭའི་སློབ་སྤྱི་དང་དགེ་ཆེ་ངོས་ནས་བསམ་བློ་གཏོང་དགོས། དགེ་ཆེ་ངོས་ནས་དགེ་རྒན་ལྷན་དུ་འབྲེལ་བ་དམ་ཟབ་དང་། གོ་བསྡུར་སྦྱང་བཤད་གནང་སྟེ་ཕྲུ་གུའི་ཤེས་ཡོན་ཡར་རྒྱས་གཏོང་ཕྱོགས་ཐད་འབད་བརྩོན་གནང་དགོས་པ་ཧ་ཅང་གལ་ཆེན་པོ་ཡིན་པ་མ་ཟད། དགེ་རྒན་གྱིས་སློབ་ཁྲིད་ནུས་རྩལ་ཡར་རྒྱས་གཏོང་དགོས་པ་གནད་འགག་ཆེན་པོ་ཆགས་ཡོད། གཞན་ཡང་རང་ངོས་ནས་ཀྱང་སྦྱང་བརྩོན་བྱེད་དགོས་རྒྱུ་གལ་ཆེན་པོ་ཡིན་སྐོར་སོགས་ཀྱི་གསུང་བཤད་གནང་།
སྤྱིར་ཐེངས་འདིའི་ཟབ་སྦྱོང་སྐབས་ཤེས་རིག་
