༢༠༡༩ ཟླ་ ༢ ཚེས་ ༢༤ རེས་གཟའ་ཉི་མ།

༄༅། །༢༠༡༩ ཟླ་ ༢ ཚེས་ ༢༣ ཉིན་གྱི་ཕྱེད་ཡོལ་རྡ་སའི་ཉེན་རྟོག་ལས་ཁུངས་སུ་བོད་མི་སྐྱབས་བཅོལ་དེབ་སྐྱེལ་ལས་ཁུངས་དང་ཕྱི་རྒྱལ་དེབ་སྐྱེལ་ལས་ཁུངས་གསར་པ་དབུ་འབྱེད་མཛད་སྒོར་ཇི་ལྟར་མགྲོན་འབོད་ལྟར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་ཕེབས་འདུག སྐབས་དེར་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཇཱཡ་རཱམ་རམ་ཐཱ་ཀུར་ Jai Ram Thakur མཆོག་དང་མངའ་སྡེའི་བཟའ་འབྲུའི་བློན་ཆེན་ཀི་ཤན་ཀ་པུར་Kishan Kapoor མཆོག

དེ་བཞིན་གྲོང་ཁྱེར་ཡར་རྒྱས་བློན་ཆེན་སར་ཝཱིན་ཅོ་དེ་རི་Sarveen Chaudharyམཆོག དེ་བཞིན་མངའ་སྡེའི་གྲོས་ཚོགས་འཐུས་མི་ཧོ་ཤི་ཡ་རི་སིངྒ་Hoshiyar Singh མཆོག  དབུས་གཞུང་གི་གྲོས་ཚོགས་འཐུས་མི་ཟུར་པ་སྐུ་ཞབས་ཀིར་པཱལ་པར་མར་Kripal Parmarམཆོག དེ་བཞིན་ཉེན་རྟོག་སྤྱི་ཁྱབ་གཞོན་པ་སྐུ་ཞབས་སན་དཱིབ་ཀུ་མཱར་Sandeep Kumar ལགས་སོགས་ཕེབས་འདུག 

གཞན་ཡང་སྐབས་དེར་བོད་མིའི་སྒྲིག་འཛུགས་ཀྱི་སྤྱི་ཚོགས་ཡར་རྒྱས་ཐེབས་རྩའི་འགན་འཛིན་སྐལ་རྡོར་དབུ་དཀར་ཚང་ལགས་དང་། རྡ་ས་ས་གནས་འགོ་འཛིན་ཟླ་བ་རིན་ཆེན་ལགས་ཀྱང་ཕེབས་འདུག ལས་ཁུངས་གསར་པ་དེ་ནི་དེ་སྔ་རྡ་སའི་ཉེན་རྟོག་ལས་ཁུངས་སུ་ལས་ཁུངས་རྙིང་པ་ཞིག་ཡོད་ཀྱང་ད་ཆ་ལས་ཁུངས་དེའི་ཚབ་ཏུ་གསར་པ་ཞིག་བརྒྱབ་པ་ཡིན་འདུག  ལས་ཁུངས་གསར་རྒྱག་ལས་གཞིའི་ཆེད་ཧིན་སྒོར་འབུམ་ ༢༤༡ འགྲོ་གྲོན་བཏང་འདུག་པ་བཅས།།