༢༠༡༩ ཟླ་ ༡ ཚེས་ ༢༢ རེས་གཟའ་ལྷག་པ།

༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་ལྷོ་ཕྱོགས་ཀར་ན་ཊ་ཀ་མངའ་སྡེའི་ཏུམ་ཀུར་ Tumkur གྲོང་ཁྱེར་གྱི་ཧིན་དུ་བླ་ཆེན་ཤིབ་ཀུ་མཱར་ Dr Sree Sree Sree Shivakumara Swamiji མཆོག་དགུང་གྲངས་ ༡༡༡ ཕེབས་པ་ཁོང་སྐུ་ཚེའི་འཕེན་པ་རྫོགས་པར་རྗེས་འཇུག་གདུལ་བྱ་རྣམས་ལ་ཐུགས་གསོ་མཛད་དོན།  “ལོ་ཤས་གོང་བླ་ཆེན་དམ་པ་ཁོང་དང་མཇལ་རྒྱུའི་སྐལ་བཟང་གི་གོ་སྐབས་ཐོབ་མྱོང་ཡོད། ཁོང་གིས་ཉམ་ཐག་མགོན་མེད་སྐྱབས་མེད་ཚོར་གཟིགས་སྐྱོང་གནང་བ་དེ་ཚོ་བསྔགས་བརྗོད་འོས་པ་ཞིག་རེད། ལྷག་པར་མི་སྐྱོ་པོ་དེ་ཚོའི་ཆེད་དུ་སློབ་གྲྭ་སོགས་ཤེས་ཡོན་གྱི་བསྟི་གནས་ཁང་མང་པོ་ཞིག་བརྒྱབ་གནང་ཡོད། དེ་ལྟ་བུའི་འགྲོ་བ་མིའི་བདེ་ཐབས་ལ་སྨན་པའི་མཛད་རྗེས་ནི་གཞན་གྱི་མིག་དཔེར་གྱུར་ཡོད། “

གསུང་འཕྲིན་ངོ་མ་ཨིན་ཡིག་ནས་འདི་ག་བོད་ཡིག་ཚན་པས་ཕབ་སྒྱུར་ཞུས་པས་ཨིན་ཡིག་ལ་རྩ་འཛིན་ཡོང་བ་ཞུ།