ཕྱི་ལོ་ ༢༠༡༩ ཟླ་ ༡ ཚེས་ ༡༩ རེས་གཟའ་སྤེན་པ།
༄༅། །འདི་གར་ལྡི་ལི་བོད་སྒར་བསམ་ཡས་གླིང་བོད་མིའི་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༩ ཟླ་ ༡ ཚེས་ ༡༨ ཉིན་ལྡི་ལི་བསམ་ཡས་གླིང་ས་གནས་འགོ་འཛིན་ལས་ཁུངས་བརྒྱུད་དཔལ་ལྡན་བོད་མི་མང་སྤྱི་འཐུས་ཚོགས་གཞོན་ཨཅརྱ་ཡེ་ཤེས་ཕུན་ཚོགས་མཆོག་དང་ས་གནས་འགོ་འཛིན་ཕུན་ཚོགས་སྟོབས་རྒྱལ་ལགས་རྣམ་གཉིས་ནས་ལྡི་ལི་མངའ་སྡེའི་སྤྱི་ཁྱབ་བློན་ཆེན་ཟུར་པ་ Smt Sheila Dikshit མཆོག་ཉེ་ལམ་ལྡི་ལི་ཀོང་རེ་སི་སྲིད་དོན་ Congress ཚོགས་པའི་ཚོགས་གཙོར་བདམས་ཐོན་བྱུང་བ་ལ་མཇལ་འཕྲད་དང་སྦྲགས་འཚམས་འདྲི་ཞུས་ཡོད།
སྐབས་དེར་དཔལ་ལྡན་ཚོགས་གཞོན་མཆོག་གིས་བོད་ནང་ཀྱི་ད་ལྟའི་གནས་སྟངས་དང་ཕྱི་ལོ་ ༢༠༠༨ ནས་བོད་མི་རང་དབང་སླར་གསོ་ཆེད་རང་ལུས་མེར་བསྲེགས་ཇི་ཙམ་གནང་ཡོད་མིན་དང་ལྕམ་སྐུ་ཤི་ལ་ཌིག་ཤིཊ་མཆོག་འདས་པའི་ལྡི་ལི་བློན་ཆེན་གནང་སྐབས་བོད་དོན་རྒྱབ་སྐྱོར་དང་ ༢༠༠༦ ལྡི་ལི་བསམ་ཡས་གླིང་ནང་ས་ཆའི་དཀའ་རྙོག་འཕྲད་སྐབས་ཁ་ཡོད་ལག་ཡོད་ཀྱི་ཕན་ཐོགས་རྒྱ་ཆེར་གནང་པར་དམིགས་བསལ་གྱི་ཐུགས་རྗེ་ཆེ་ཞུས་ཡོད་པ་མ་ཟད༌། འབྱུང་འགྱུར་ཡང་དེ་འདྲ་དཀའ་ངལ་བྱུང་ཚེ་མཐུན་འགྱུར་རམ་འདེགས་ཇི་འོས་གནང་གི་ཡིན་པ་ཞལ་བཞེས་ཡང་ཐོབ་ཡོད། ལྷག་པར་དུ་ཚོགས་གཞོན་མཆོག་ནས་རྒྱལ་སྤྱིའི་ནང་བོད་དོན་ཐད་རྒྱབ་སྐྱོར་ཇི་གནང་དང་༸གོང་ས་མཆོག་གི་ད་ལྟའི་དགུང་ལོའི་གནས་བབ་དང་དེང་སྐབས་ཚོགས་པ་ཁག་འདྲ་མིན་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་བསྐལ་བརྒྱར་བརྟེན་ཆེད་བརྟན་བཞུགས་འབུལ་མཁན་ཇེ་མང་འགྲོ་བཞིན་པ་ངག་ཐོག་ཞིབ་ཕྲ་གསལ་བཤད་གནང་ཡོད་པ་བཅས། །
