ཕྱི་ལོ་ ༢༠༡༩ ཟླ་ ༡ ཚེས་ ༢ རེས་གཟའ་ལྷག་པ།

༄༅། །འདི་གར་སྡེ་ར་སྡུན་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན།   བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་གཞིས་ཆགས་གཅིག་བསྡུས་ཡར་རྒྱས་འཆར་གཞིའི་ (ISDP) ཐོག་ལས་གཞི་ལག་བསྟར་ཞུ་ཐུབ་མཁན་ཁོངས་ཕྱི་ལོ་ ༢༠༡༨ ལོའི་ནང་འདི་ག་སྡེ་ཪ་ལྡུན་ཁྱབ་ཁོངས་བདེ་སྐྱིད་གླིང་ལག་ཤས་བཟོ་གྲྭ་དང་ཁམས་གླིང་ཚང་གཞིས་ཆགས་གཉིས་ངོས་བཞེས་འདེམས་ཐོན་བྱུང་ཡོད་པ་ལྟར། ཕྱི་ལོ་༢༠༡༨ ཟླ་  ༨ ཚེས་ ༡ ཉིན་དྲིལ་བུ་ཏིང་ཤགས་སོགས་གནའ་བོའི་བོད་ཀྱི་ལག་ཤེས་བཟོ་རིག་སྦྱོང་བརྡར་འགོ་འཛུགས་ཀྱིས་ཕྱི་ཟླ་ ༡༢ ཚེས་ ༣༡ རེས་ཟའ་ཟླ་བའི་ཉིན་སྦྱོང་བརྡར་དེ་བཞིན་ལེགས་པར་འཇུག་སྒྲིལ་ཡོད།

དེ་ཡང་གོང་ཚེས་ཉིན་མཇུག་སྡོམ་མཛད་སྒོའི་ཐོག་སྡེ་ར་ལྡུན་བོད་མིའི་ས་གནས་འགོ་འཛིན་ནོར་བུ་ལགས་ཀྱིས་གཙོས་བོད་མིའི་སྒྲིག་འཛུགས་ཀྱི་ནང་སྲིད་འབྲེལ་ལས་བསྟན་འཛིན་འཆི་མེད་ལགས། གླིང་ཚང་གཞིས་ཆགས་ཀྱི་ཚོགས་གཙོ་རྒྱུན་ལས་རྣམ་པ། དེ་བཞིན་ཁམས་གླིང་ཚང་གཞིས་ཆགས་ནས་བུ་ ༡༡ དང་བུ་མོ་ ༢ བཅས་ཁྱོན་སློབ་ཕྲུག་གྲངས་ ༡༣ བཅས་འདུ་འཛོམས་གནང་སྟེ་སློབ་ཕྲུག་རྣམས་ལ་ལག་འཁྱེར་གནང་ཏེ་མཛད་སྒོ་གྲོལ་ཡོད་པ་བཅས། །