ཧིན་བོད་མཛའ་འབྲེལ་ཚོགས་པས་རྩོམ་ཡིག་འགྲན་བསྡུར་ཞིག་གོ་སྒྲིག་གནང་བ།

གསར་ལས་ཁང་གི་གསར་འགོད་པས།

༢༠༡༨-༡༡-༡༩

ཕྱི་ལོ་ ༢༠༡༨ ཟླ་ ༡༡ ཚེས་ ༡༩ རེས་གཟའ་ཟླ་བ།

༄༅། །ཕྱི་ལོ ༢༠༡༨ ཟླ་ ༡༡ ཚེས་ ༡༧ རེས་གཟའ་སྤེན་པ་ཉིན་རྡ་ས་ཧིན་བོད་མཛའ་འབྲེལ་ཚོགས་པས་རྡ་ས་མེ་གྷན་ཉེ་འགྲམ་དུ་ཡོད་པའི་ཕོར་སེཏ་གྷན་ཇི་རྒྱ་གར་གཞུང་གི་སློབ་གྲྭའི་Government Senior Secondary School Forsythganj ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་རྣམ་སྐོར་རྩོམ་ཡིག་དང་། ཁོར་ཡག་སྲུང་སྐྱོབ་དང་འབྲེལ་བའི་རི་མོ་འགྲན་བསྡུར་ཞིག་གོ་སྒྲིག་གནང་ཡོད།

སྐབས་དེར་བོད་མི་མང་སྤྱི་མཐུས་ཡེ་ཤེས་སྒྲོལ་མ་ལགས་དང་། བོད་མིའི་སྒྲིག་འཛུགས་ཀྱི་དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས། དེ་བཞིན་རྡ་ས་ཧིན་བོད་མཛའ་འབྲེལ་ཚོགས་པའི་སྐུ་ཚབ་སོགས་ཆེད་ཕེབས་ཀྱིས་འགྲན་བསྡུར་ནང་མཉམ་ཞུགས་གནང་མཁན་སློབ་ཕྲུག་རྣམས་པ་བྱ་དགའ་གནང་ཡོད།

དེ་ཡང་རྩོམ་ཡིག་དང་རི་མོ་འགྲན་བསྡུར་ནང་ཕོར་སེཏ་གྷན་ཇི་དང་སྦག་སུ་ནཱཏ་རྒྱ་གར་གཞུང་གི་སློབ་གྲྭ་གཉིས་ནས་ཁྱོན་སློབ་ཕྲུག་གྲངས་ ༣༣ མཉམ་ཞུགས་གནང་ཡོད་འདུག་པ་བཅས། །