ཕྱི་ལོ་ ༢༠༡༨ ཟླ་ ༡༡ ཚེས་ ༡༧ རེས་གཟའ་སྤེན་པ།

༄༅། །བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་ཕྱི་ལོ་ ༢༠༡༨ ཟླ་ ༡༡ ཚེས་ ༡༦ ནས་ ༢༨ བར་རྒྱ་གར་ལྷོ་ཕྱོགས་བོད་མིའི་གཞིས་ཆགས་ཁག་ལ་གཞུང་འབྲེལ་ཕྱོགས་ཕེབས་གནང་གཏན་འཁེལ་བའི་ལས་འཆར་ནང་གསལ། ཕྱི་ཚེས་ ༡༩ ནས་ ༢༡ བར་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་མཆིན་ནད་དུག་ཐབས་དང་ཕྱི་ལུགས་སྨན་པའི་ལྷན་ཚོགས་ Tibetan Allopathic Physician Network (TAPN) གཉིས་ཀྱི་ཚོགས་འདུར་མཉམ་ཞུགས་གནང་རྒྱུ་དང་སྟབས་བསྟུན་ལྷོ་གཞིས་ཁག་ལ་ཡོད་པའི་འཕྲོད་བསྟེན་ལས་གཞི་ཁག་རྟོགས་ཞིབ། ཉེ་འཁོར་བོད་རིགས་ཕྱི་བཅོས་གསོ་ཐབས་དང་སྨན་ཞབས་སློབ་མ་རྣམས་ཐུག་འཕྲད། ཕྱི་ཚེས་ ༢༦ ཉིན་སྦེང་ལོར་དུ་མངའ་སྡེའི་དཔོན་རིག་ཁག་གཅིག་དང་མཇལ་འཕྲད་གནང་རྒྱུ་ཡིན་འདུག་པ་བཅས། །